سوراب: دو مردمانی بیگواھی ءِ ھلاپ ءَ زھرشانی، سی پیک شھدگ بند

بلوچستان ءِ دمگ سوراب ءَ گوستگیں روچ دو مردمانی بیگواھی ءِ ھلاپ ءَ کھول ءَ زھرشانی کنان ءَ سی پیک دگ بند کتگ-

چہ سوراب گدر ءَ بیگواہ کنگ بیتگیں شبیر اھمد ء بشیر اھمد ءُ عزیز اھمد ء عبداللہ ءِ کھول ءَ زھرشانی کنان ءَ سوراب زیروپوائنٹ ءَ سی پیک دگ ءُ کراچی ءُ شال ءَ روکیں دگ بند کنگ بیتگ-

دگ ءِ بند بوگ ءِ سبب ءَ ھردوکیں نیمگاں روکیں گاڑی بازیں کچے ءَ کتار اَنت ءُ ھردوکیں نیمگاں مساپر مھتل اَنت-

مساپراں چہ انتزامیہ ءَ دزبندی کتگ کہ آ زوت زھرشانی کنوکاں گپ ءُ تران بہ کنت ءُ راہ ءَ پچ بہ کنت اِنت-

زانگ بہ بیت ھمے وڑ ءَ آواران ءَ دلجان ءِ بیگواھی ءِ ھلاپ ءَ زھرشانی گوستگیں یک ھپتگے ءَ چہ برجاہ اِنت کہ اود ءَ آئی ءِ کھول دلجان ءِ یل کنگ ءِ لوٹ ءَ کنگ ءَ اَنت-

بلوچستان ءَ پاکستانی پوج ءِ دست ءَ بیگواھیانی اھوال ھمک روچ رپورٹ بوگ ءَ اَنت لھتے ماھانی توک ءَ بازیں کساسے ءَ اے وڑیں وئیل دیم ءَ اتکگ اَنت-