زامران ءَ دو مردم زورانسری بیگواہ

کیچ ءِ تھسیل زامران ءَ پاکستانی پوج ءَ دمگ لوگانی سر ءَ بیڑ میان ءَ چہ پُٹانی زامران دو مردم زورانسری بیگواہ کتگ اَنت-

دمگی مردمانی رِد ءَ اُزیر اُمید ءُ عبدالرحمن قدیر اُمید لوگ ءَ چہ پوج وتی ھمراھی ءَ برتگ اَنت – اے میان ءَ پوج ءِ کارمنداں آیانی کھول گوشتگ کہ اشاں زوت لوگاں دیم دے ایں-

زانگ بہ بیت کہ دو ماہ ءَ ساری اُمید ءِ دو چک نزیر اُمید ءُ انیف اُمید پوج ءَ چہ گلی بلیدہ ءَ زورانسری آوار جتگ ءُ لَٹ کُٹانی نشانگ کتگ اَنت شانزدہ روچ ءَ پد آ یل داتگ اَنت-

کھول ءَ گوشتگ کہ ما پاکستانی پوج ءَ چہ دزبندی کن ایں کہ مئے چکاں یل بہ کن اِت ءُ ھر روچ مئے چکاں بے سبب ءَ بیگواہ مہ کن اَنت ءُ مارا زھرشانی کنگ ءَ لاچار مہ کن اَنت-

آئی ءَ سرجمیں انسان دوستاں چہ دزبندی کتگ کہ مئے دوستناکاں یل کنائینگ ھاتر ءَ توار چست بہ کن اِت-