بلوچ زورانسری آوار جنی ھلاپ ءَ بی وائی سی ءِ ھاران ءَ زھرشانی

بلوچ یکجھتی کمیٹی ءِ مھم، بے تواری ءِ پروش : زورانسری آوار جنیانی ھلاپ ءَ اوشتاتگ ” ءِ سرھال ءَ چہ بلوچستان ءِ جتاجتائیں دمگاان زھرشانی درچ برجاہ ءَ اِنت-

بلوچ نودربرانی زورانسری آوار جنی ءِ ھلاپ ءَ مروچی بلوچ یکجھتی کمیٹی ھاران نیمگ ءَ چہ نواب اکبر خان بگٹی اسٹیڈیم ءَ چہ بگر ھاران ریڈ زون ءَ تاں یک زھرشانی ئیں روانکے کشگ بیتگ ءُ زھرشانی نکش کنائینتگ-

ھاران ءَ روانک ءَ مزنیں کچے ءَ شھری ءُ بیگواھیں مردمانی کھول ءَ بھر زرتگ آیاں وتی بیگواھیں دوستناکانی اکس چست کتگ بیتگ اَنت- زھرشانی کنوکاں ھمے میان ءَ ریاستی ادارہ ءُ واکدار ھلاپ ءَ تُرندیں ناراہ جتگ ءُ بیگواھیں مردمانی یل کنائینگ ءِ لوٹ کتگ-

بلوچ یکجھتی کمیٹی ءِ مھم، بے تواری ءِ پروش : زورانسری آوار جنیانی ھلاپ ءَ اوشتاتگ ” ءِ سرھال ءَ چہ بلوچستان ءِ جتاجتائیں دمگاان زھرشانی درچ برجاہ ءَ اِنت اود ءَ اشی ءَ ساری کراچی، ھب چوکی، ھُزدار، تربت، پنجگور ءُ مروچی ھاران ءَ زھرشانی نکش کنائینتگ-

بلوچ یکجھتی کمیٹی ءَ اے درگت ءَ گیش گوشتگ کہ اے پُرایمنیں زھرشانیانی گر ءُ دار جُھد ءَ ریاست نیمگ ءَ چہ یکشل ءَ بیھار ءُ زوراکی ءَ اَبید، انساپ ءُ رکینگ ءِ اے جنگ مئے جزبگ مھکم اِنت – ما راج ءَ را ھاسکار بیگواھیں مردمانی کھولاں چہ دزبندی کن ایں کہ آ اے زھرشانی ھوار بہ بنت ءُ وتی بیگواھیں مردمانی ڈیٹا ءَ مچ بکن اَنت –

زانگ بہ بیت کہ اشی ءَ ساری پولیس ءُ پاکستانی چیریں ادارھانی نیمگ ءَ چہ کراچی ءَ بی وائی سی ءِ زھرشانیانی سر ءَ اُرش کنگ ءَ پد بازیں زھرشانی کنوک دزگیر کتگ اَنت وھدے کہ ھب ءُ ھُزدار ءَ ھم زھرشانی کنوک تُرسینگ ءِ دیمپانی کنگ کپتگ-

انچش بلوچ یکجھتی کمیٹی ءِ رِد ءَ گوستگیں روچ ءَ پنجگور ءَ زھرشانی ءِ میان ءَ پولیس ءَ زھرشانی کنوک تُرسینتگ اَنت وھدے کہ ھمے میان سرکاری ءِ چیردستی ءَ برجاھیں ڈیتھ اسکواڈ ءِ کارمنداں حسیب نامیں ورنایے زورانسری آوار جتگ اَنت کہ پد ءَ دوشی گوں نگیگیں جاوراں یل کتگ-