زھرشانی ءَ ھواریں مردماں زھرشانی کنان ءَ سی پیک ءِ شھدگ سر ءَ نندانک داتگ-
چہ پنجگور بونستان دازی ءَ بیگواہ کنگ بیتگیں صغیر ء عبدالصمد ءِ کھول ءَ صغیر بلوچ ءِ یل نہ کنگ ءِ ھلاپ ءَ بونستان ھند سر ءَ سی پیک دگ بند کتگ زھرشانی نکش کنائینتگ-
زھرشانی ءِ سبب ءَ سی پیک بند بیگ ءَ چہ دوئیں نیمگاں روگ آیگ بند بیتگ-
دومی نیمگ ءَ تربت بالگتر ءَ بلوچ بیگواھیں مردمانی کھول نیمگ ءَ چہ زھرشانی کنان ءَ سی پیک شھدگ سر ءَ اڑان اوشتارینتگ ءُ نندانک دارگ چریشی ءَ چہ گاڑیانی دراجیں لین لگ اِتگ-
دوئیں وئیلانی سر ءَ زھرشانی کنوکانی لوٹ اِنت کہ اگاں آیانی دوستانک دیم ءَ آرگ ءُ یل کنگ نہ بیت اَنت گُڑا آیانی زھرشانی نندانک سی پیک دگ سر ءَ برجاہ بیت ءُ وتی زھرشانی گیش تُرند کنان ءَ جتاجتائیں ھندانی سر ءَ نندانک دے ایں-