شال ءَ ایم آئی ءِ گچینی کارمند زیب قمبرانی ءِ کوش ءِ زمہ واری بی ایل اے ءَ من اتگ

بلوچ لبریشن آرمی ءِ جارکش جیئند بلوچ ءَ رسانکدراں شنگ کتگیں یک درشانے ءَ گوشتگ مئے سرمچاراں گوستگیں شپ ءَ شال ءِ شھر ءَ یک کاروائی ءَ پاکستانی چیریں ادارہ ملٹری انٹیلیجنس ( ایم آئی) ءِ گچینی کارمند میر زیب قمبرانی ء اھمد یاف ھان قمبرانی کشتگ-

جارکش ءَ گوشتگ کہ ریاستی کارندہ زہب قمبرانی بازیں وھدے ءَ زورگریں پاکستانی پوج ءِ چیردستی ءَ گچینی کاراں کنگ ءَ بیتگ – کشتگیں گچینی کارمند پاکستانی پوج ءُ چیریں ادارھانی وتگڑیں ڈیتھ اسکواڈ ءِ سروک سراج رئیسانی ءِ ھمراہ بیتگ ءُ شال ءَ ھوار مستونگ ءَ زورگریں پاکستانی پوج ءِ واستا مردماں زورگ ءَ بھر مند بیتگ-

آئی ءَ گوشتگ گچینی چاریگ زیب قمبرانی لوگانی سر ءَ بیڑ برگ، دودماناں لگتماپ کنگ ءُ بلوچ ورنایاں زورانسری آوار جنی ءَ زورگرین پوج ءِ کمکار بیتگ ءُ ھمے ڈول لس بلوچاناں بیھار دیگ ءُ آیاں پوڑی گرگ ءَ دزمانجن بیتگ کہ ایشی ءِ کنگ ءَ آئی ءِ مھار پوج ءَ یل داتگ اَنت-

آئی ءَ گوشتگ ھمے ماہ ءِ دَہ رمس ءَ بلوچ لبریشن آرمی ءِ سرمچاراں مستونگ ءِ ھند اسپلنجی مَرو ءَ ملنگ ءِ دروشم ءَ زورگریں پوج ءِ واستا چاریگری کار کنوک مجیب الرھمان ء عبدالرھمان دزگیر کتگ- دزگیری ءَ پد جست ءُ پرسانی وھد ءَ آئی ءَ من اتگ کہ پاکستانی چیریں ادارھانی کارمنداں گوں گند ءُ نند ءُ زیب قمبرانی ءَ کتگ چریشی ءَ پد آ زیب قمبرانی ءِ سروکی ءَ دلاری کار کنگ ءَ بیتگ –

جیئند بلوچ ءَ گوشتگ گپتگیں کارمند ءَ من اتگ کہ زیب قمبرانی ءِ سروکی ءَ آئی ءَ سلمان قمبرانی ءُ گزین قمبرانی گرائینتگ انت ءُ پد ءَ دروگیں میڑ ءِ نام ءَ شھید کتگ اَنت-

گڈسر ءَ گوشتگ زیب قمبرانی ءَ بلوچ ءِ گون ءَ گداری کنگ ءِ جرم ءِ منانکاں پد بلوچ راجی آمیدگس ءَ آ مرگ ءِ سزا داتگ ءُ چریشی ءَ پد گوستگیں شپ ءَ بلوچ لبریشن آرمی ءِ سرمچاراں سرجم کتگ-