روکپتی بلوچستان: دو مردم ایرانی لشکر ءِ دست ءَ بیگواہ

روکپتی بلوچستان ءِ دمگ راسک ءَ ایرانی لشکر ءَ یک ورنایے دزگیر کنگ ءَ پد بیگواہ کرتگ –

اھوالانی رد ءَ گوستگیں روچ ءَ ایرانی لشکر ءَ راسک ءَ یک ورنایے ابید آمیدگس ءِ پرمان ءَ آوار جتگ ءُ برتگ-

اھوالانی رد ءَ بیگواہ بیتگیں مردم ءِ پجار مھمد دشتی ء اشرپ ءِ نام ءَ زانگ بیتگ ءُ آ راسک ءِ دمگ ھیت کارگاہ ءِ جھمنند اِنت-

ھمے ڈول ءَ روکپتی بلوچستان ءُ اوگان ءِ سیمسری ھند نیمروز ءَ ھم یک مردمے آوار جنگ ءُ برگ بیتگ-

آوار جنگ بیتگیں مردم ءِ پجار نور اھمد ء ھان مھممد ءِ نام ءَ زانگ بیتے کہ آ اسپیت آپ ءِ جھمنند اِنت کہ گوستگیں روچ ءَ آوار جنگ بیتگ-