مرچی کیچ ءِ بنجاھی شھر تربت ءَ فور جی سروس سرجمی ءَ بند انت۔
زانگ بہ بیت ماں بلوچ یکجہتی کمیٹی ءِ گوانک ءِ سر ءَ مرچی تربت ءَ پہ زور بیگواہ کنگ ءِ ھلاپ ءَ زھرشانی جلسہ گوانک جنگ بوتگ کہ نیم روچ ءِ چار بج ءَ شھید فدا چوک ءَ برجم دارگ بیت انت۔
لائیو پروگرام کوریج ءُ وھد ءِ سر ءَ اپ ڈیٹ ءِ دیم ءَ دارگ ءِ واستا تربت ءِ سرجمیں موبائل نیٹ ورکانی ڈیٹا فورج سروسز مھتل کنگ بوتگ اَنت۔
یات دارگ بہ بیت کہ گوستگیں روچ ءَ خضدار ءَ پہ زور بیگواہ کنگ ءِ ھلاپ ءَ زھرشانی ءِ وھد ءَ موبائل سروس سرجم ءَ بند کنگ بوتگ، وھدیکہ حب شھر ءَ زھرشانی ءِ دیم ءَ اڑاند ایر کنگ بوتگ اَنت۔