زورانسری آوار جنی ءِ ھلاپ ءَ پُرایمنیں زھرشانی ایرموش کنگ ھاتر ءَ لَٹ کُٹ سھارگ زرتگ- ماہ رنگ بلوچ

یکرندے پد ءَ پاکستان چیریں ادارہ، سندھ پولیس ءُ پاکستان پیپلز پارٹی ءِ صوبائی ھکومت ءَ لٹ کُٹ ءِ سھارگ زرتگ زورانسری آوار جنی ءِ ھلاپ ءَ پُرایمین زھرشانی ایرموش کنگ ھاتر ءَ چہ کراچی ءَ بلوچ یکجھتی کمیٹی ءِ ڈپٹی آرگنائزر لالہ وھاب بلوچ ءُ دگہ ھمراہ دزگیر کتگ اَنت-

بلوچ یکجھتی کمیٹی ءِ راھشون ءِ گوشگ اِنت آجوئی ھیال لیکہ سر ءَ اے وڑ کریک ڈاؤن تاکت ءِ بدتریں دروشم ءِ نمائندگی ءَ کنگ ءَ اِنت-

ماہ رنگ بلوچ رِد ءَ ھمے ھپتگ ءَ درزنانی بلوچ ھاسکار ورنا ایں نودربر بلوچستان ءَ ھوار چہ کراچی ءَ زورانسری بیگواہ کتگ اَنت وھدے کہ اے زورانسری ءِ ھلاپ ورزیانی ھلاپ ءَ توار چست کنوکیں تواراں بے توار کنگ ءَ اَنت-

آئی ءَ دیمتر ءَ گوشتگ کہ انسانی ھکانی گلاں شھریانی آجوئی ءِ اے تاکت اُرش ءَ نا دلگوش کنگی نہ اِنت-