تربت ءَ آئی ای ڈی اُرش ءَ پاکستانی پوج ءِ دو کارمند ءِ کوش زمہ واری بی ایل اے ءَ منّ اِتگ

بلوچ لبریشن آرمی ءِ جارکش جیئند بلوچ ءَ شنگ کتگیں درشان ءِ تہ ءَ گْوشتگ کہ مئے سرمچاراں کیچ ءِ دمگ تربت ءَ زورگریں پاکستانی پوج کاروان ءَ ھوار یک گاڑی یے آئی ای ڈی اُرش ءِ نشانگ کتگ ءُ تباہ کتگ-

جارکش ءَ گوشتگ کہ گوستگیں روچ ءَ تربت ءِ دمگ ھیرآباد ءَ بی ایل اے ءِ سرمچاراں پاکستانی پوج ءِ کاروان ءَ ھوار یک گاڑی یے ریموٹ کنٹرولڈ آئی ای ڈی یے اُرش ءِ نشانگ کتگ، تراک ءِ نشانگ ءَ اَیگ ءَ چہ دُژمنیں پوج ءِ دو کارمند جاہ پہ جاھی مرتگ اَنت وھدے کہ کم چہ کم سے ٹپی بیتگ اَنت-

تراک ءَ پد زورگریں پوج ءَ چو مدامی وڑ ءَ دمگ انگر ءَ کتگ ءُ وتی تاوان چیردیگ جُھد کتگ-

جارکش ءَ گوشتگ بلوچ لبریشن آرمی اے اُرش زمہ واری ءَ منّ اِیت ءُ زورگریں پاکستانی پوج ءِ بلوچستان ءَ چہ سرجمی ءَ دراھگ ءَ تاں مئے اُرش برجاہ بنت-