متھدہ قومی موومنٹ ءِ سروک الطاف حسین ءَ گوشتگ کہ زورانسری در راھبند، درکانودی ءُ درانسانی کارے، من زورانسری آوار جنی ءَ مدام ایر جنگ ءُ آیگ آں ءُ اے کار ءُ زُلم ءُ زوراکی گوش آں-
آئی ءَ چاگردی رسانکدر ایکس سر ءَ یک درشانے شنگ کتگ گوشتگ کہ بلوچ وائس فار جسٹس 13 اکتوبر 2024 ءِ شپ ھشت ءَ چہ دوازدہ ءَ تاں رسانکدر سر ءَ زورانسری آوار جنی ءِ ھلاپ ءَ یک آن لائن زھرشانی یے کنت-
آئی ءَ گْوشتگ کہ من سرجمیں تچکیں راجدوستیں بلوچاں ءُ ایم کیو ایم ءِ سرجمیں زمہ وارایں، کارکناں ءُ دوزواھاں ھوار ایردستاں چہ دزبندی کن آں آ اے مھم ءَ جوانیں وڑے ءَ بھر بزور اَنت ایردستانی توار ءَ توار ھوار بہ کن اَنت ءُ زُلم ھلاپ ءَ زھرشانی ءَ چست بہ کن اَنت-
آئی ءَ گوشتگ کہ من لوٹ کن آں سرجمیں ایردستں بلوچاں، سندھیاں، پشتوناں ءُ مھاجراں ھوار سرجمیں بیگواھیں مردماں زوت ءَ چہ زوت یل بہ کن اَنت زورانسری آوار جنی ءِ دْرچ ءَ بند بہ کن اَنت-