مستونگ ءَ پاکستانی پوج ءِ 8 کارمندانی کوش ءِ زمہ واری بی ایل اے ءَ من اتگ انت

بلوچ لبریشن آرمی ءِ جارکش جیئند بلوچ ءَ رسانکدراں شنگ کتگیں درشان ءَ گوشتگ گوستگیں روچ ےَ مستونگ ءِ دمگ اسپلنجی ءَ پاکستانی پوج دو جتا جتائیں اُرشانی نشانگ کتگ کہ چریشی ءَ ھشت کارمند کشتگ انت ءُ سَے زدگ کتگ اَنت ءُ یک بکتر بندے تباہ کتگ ءُ چار گاڑیاں تاوان رس اتگ-

جارکش ءَ گوشتگ اسپلنجی ءِ ھند گونڈین مرو ءَ بلوچ لبریشن آرمی ءِ سرمچاراں راہ بستگ ءُ پاکستانی پوج ءِ کاروان مزن ءُ وتکاریں سلاھانی گون ءَ نشانگ کتگ کہ چریشی ءَ دشمنیں پوج ءِ یک ٹرکے ءُ چار گاڑی اُرش ءِ نشانگ ءَ اتکگ اَنت – چریشی ءَ دشمن ءِ ھشت کارمند مرتگ انت ءُ دو گاڑیاں سک تاوان رس اتگ-

جارکش ءَ گوشتگ ھمے وڑ اُرش ءِ زد ءَ کمک ءَ آیوکیں دشمن ءِ یک بکتر بند گاڑی یے بلوچ لبریشن آرمی ءِ دگہ ھمراھاں ریموٹ کنٹرولڈ آئی ای ڈی اُرش ءِ نشانگ کتگ چریشی ءِ اسر ءَ بکتر بند تباہ بیتگ ءُ دشمن ءِ سَے کارمند زد بیتگ اَنت- آئی ای ڈی ءِ اُرش ءِ سبب ءَ دشمن ءِ پیش گامی پروشتگ اَنت-

جیئند بلوچ ءَ گوشتگ کہ اُرش ءَ پد دمگ ءَ دشمنیں پوج ءِ بالگرد سر بیتگ اَنت بلے بلوچ سرمچار جوانین ھیلکاریانی زور ءَ اُرش ءَ پد وتی مھکمین جاھاں سر بیتگ اَنت-

جیئند بلوچ ءَ گوشتگ بلوچ لبریشن آرمی اے اُرش ءِ زمہ واری ءَ من اِت ءُ اے کول کنت کہ بلوچ سرڈگار ءِ آجوئی ءَ مئے سلاہ بندیں گھگیری برجاہ بیت اِنت-