زاھدان، جمعہ خونین: دومی سال روچ ءِ درگت ءَ زھرشانی

روکپتی بلوچستان ءِ بنجاھی شھر زاھدان ءَ 30 ستمبر2022 ءَ پیش اتکگین وئیل ءِ ھلاپ ءَ مھلوک ءَ دو سال ءِ سرجم بوگ ءَ زھرشانی کتگ-

زھرشانی کنوکاں ایرانی لشکر ءِ ھلاپ ءَ اوگام ءِ ھواری ءَ مرگ بر ھامنہ ای ءُ مرگ بر ھومینی ءِ اوگام جتگ ءُ گوشتگ من آ وتی کُشگ بیتگیں ھونانی سوگنداں وریں آیاں چہ بے ھیال نہ بہ ایں-

گوستگیں شپ ءَ ھم زاھدان ءِ بازیں دگانی سر ءَ مھلوک ءَ دگانی سر ءَ ٹائر مانداشتگ اَنت ءُ سرکار ءِ ھلاپ ءَ اوگام جتگ –

دومی نیمگ ءَ زاھدان ءِ سنی کمیونیٹی ءِ سروک مولانا عبدالحمید اسماعیل زئی ءَ آدینگ ءِ ھتبہ ءَ تران کنان ءَ گوشتگ زاھدان ءِ ھونین ءِ جمعہ یک دردناکیں وئیلے کہ آئی ءَ سجوئیں دنیا ءَ جنزینتگ-

آئی ءَ گوشتگ سرکاری لس مردم گوش اَنت زھدان ءِ وئیل یک ناگتی بیتگ بلے تچکیں گپ ایش انت اے ناگتی نہ بیتگ یک مزنیں زُلم ءُ زوراکی یے بیتگ-

آئی ءَ گوشتگ بازیں شھیدانی کھول کڈن کنگ بیتگ ءُ آیاں وتی لاش لاچاری کل کتگ اَنت چرے سبب ءَ مردمانی نام گندگ نہ بیتگ انت-

زانگ بہ بیت گوستگیں دو سال پیش زاھدان ءَ مھسا امینی ءُ ماھو بلوچ ءِ انساپ ءِ ھاتر ءَ درکپتگیں روانک ءِ سر ءَ ایرانی پولیس ءَ تیرگواری کتگ ات کہ چریشی ءَ سَد ءِ کچ ءَ مردم بیران ءُ سَے سد ءِ کچ ءَ مردم زدگ بیتگ ات اَنت-