ھاران : بیگواھیں مردمانی کھول ءِ ریڈزون ءَ نندانک

ھاران ریڈ زون شھریاں نندانک داتگ ءُ بند کتگ-

بیگواھیں امان اللہ ء عبدالقادر، محمد داود ء محمد انور، ارشاد احمد ء امین اللہ ءُ امین اللہ ء عبدالقادر ءِ کھول نیمگ ءَ چہ ریڈ زون دگ سرجمی ءَ بند کتگ-

نندانک دیوکیں کھول ھمراھی ءَ زالبول ھم ھوار اَنت کہ آیاں وتی دوستناکانی اکس دست ءَ چست کتگ اَنت-

کھول گوشگ اِنت کہ اے وڑ بے میاریں شھریاں چست کنگ آیانی کھول ءَ دلسیاہ کنگ ناانساپی اِنت-

کھول گوشگ اِنت کہ امان اللہ محمد حسنی یک بے میاریں شھری یے دو وھد ءَ نگن ءِ شوھازگ ءَ دلگوش بیتگ وھدے کہ محمد داود، امین اللہ، ارشاد احمد ءِ کھول گوشگ اِنت کہ آیانی دوستناک چہ کلی جنگل رحمت اللہ ءَ بے سبب ءَ چست کتگ چاریں بیگواھیں کھول گوشگ اِنت اشانی تہ ءَ کسے ءَ گناھے کتگ گُڑا آیاں آمیدگس ءَ پیش بہ کن اِت-