کتاب ءِ نام: مجھے فیمنسٹ نہ کہو
نبشتہ کار: ڈاکٹر طاہر کازمی
چمشانک: فائزه بلوچ
دی بلوچستان پوسٹ
ڈاکٹر ءِ نبشتانک چونکا کتاب ءِ نام “مجھے فیمنسٹ نہ کہو”، فیمینزم ءِ ھاسیں بزانت(تعریف)۔ اے سیاسی، چاگردی، نزریاتی ءُ زالبولانی بابت ءَ جتا جتائیں ھرکتانی یک جمّا داری یے ۔
زالبولانی واست ءَ یک سرجمیں لوٹ ءُ گزر ءِ رد ءَ زالبولانی ھاتر ءَ برابری ءُ برابری ءِ ھک ءِ رد ءَ جنس ءِ بنیاد ءَ ھرچ وڑیں نابرابری ءِ ھلاپ اِنت۔ چہ چاگردی، ماشی ءُ جنسی بدسلوکی ءَ یک جنینے ءِ رکینگ ءِ ھاتر ءَ فیمینسٹ ایجنڈا ءِ سر ءَ اِنت کہ آ آئی ءِ رکینگ ءُ یک وڑیں موہ بہ دنت۔ اے لیکہ ءِ تہ پ ھرکس کہ بُرز ءِ ھیالانی کمک ءَ کنت آ یک نسوانیت پسندے گشگ بیت کنت، مرد، جنین یا ٹرانسجینڈر۔
نسوانیت ءِ تاریخ ءِ کوھنیں کچ اِنت۔ چہ کوھنیں زمانگ ءَ زالبول پہ وتی ھک ءَ جُھد کنگ ءَ اَنت۔
ڈاکٹر طاھرہ کازمی ءِ اے کتاب ایوک ءَ کالمانی یک جمّا داری یے نہ اِنت، یہ یک جنینے ءِ سر ءَ کتگیں زلم ءُ زوراکی ءِ سبب ءَ بلکیں سما ءِ راجدپتر، بلے راستیں جاوری ءُ زد ءُ کینگ ءِ لیکہ ءِ سر ءَ ھم بوتگ۔
اے کتاب ءِ پٹ ءُ پول ءَ وانوک ءَ اے گپ پدر کتگ کہ سرمایہ دارانہ نزام ءِ دگہ ذلت ءِ ھمراھی ءَ چاگردی جیڑہ ءَ زالبولانی سر ءَ مدام زلم ءُ زوراکی ءِ لانت ءَ گیش کتگ۔ اے یک انچیں جیڑھے کہ زالبولانی ھلاپ ءَ زوراکی، زالبول ءِ کشگ، جنسی بدسلوکی ءُ تیزاب ءِ اُرش، گیش بوتگ ءُ اے جاورانی ھلاپ ءَ ھچ وڑیں مزنیں گامگیج نیست۔
“منی نام کجا انت؟ چے جوانیں نبشتانکے چی ءَ نبشتہ کنگ بوتگ۔ “منی گوک، منی پس، منی لوگ، منی زال، زالبول ءَ یک نجی ملکیتے لیکگ بیاگائَی اے درستیں نکسانانی بُن اِنت۔ ڈاکٹر صاحبہ ءَ یک ھاسیں پیامے داتگ آ نبشتہ کنت کہ “مارا اے وڑیں درستیں مات ءُ پتاں گشگی اِنت کہ وتی جنک ءِ گونہ زبردستیءِ یا بدکاری ءِ بوواگءِ سر ءَ شرمندگی ءِ مارشت کنگ ءِ بدل ءَ وتی جنک ءَ زبان بدے اِت، آئی ءَ گپ جنگ سِکارین ایت۔
اے کتاب ءِ تہ ءَ درستیں نبشتانک مارا ھمے سبک دے اِیں کہ مارا زالبولی کرد، عزت،آجوئی ءِ ھاتر ءَ سرپد بہ بئیں۔ چاگرد ءِ نیزگار ءُ زلم ءُ زوراکی ءِ جاور ھال ءِ سرجمیں اکس ءَ پیش دار اَنت کہ گریبیں ھاندان پہ گرانیں جاوراں کجام وڑ ءَ گوازین اَنت ءُ دو رند ءِ نان ءَ گوں ھمگرنچ نہ بنت۔ اے وڑیں ھاندانانی تہ ءَ جنین آدم ھمے زند ءَ گوں ھما زند ءَ زندگ اَنت کہ آ ھما زند ءَ گوں ھمگرنچ اَنت۔ ءُ پد ءَ مردانی ھر وڑیں سلوک، کہ آھانی تہ ءَ جنسی بدسلوکی ھم ہوار ات۔
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسانی درشانی انت-