پدائی رِزوان کلمتی اُرپ همّل
نبشتہ کار: مُلّا مَلار
دی بلوچستان پوسٹ
اَسُر ءِ وهد اَت ما ٹرینگ ءَ اِتیں کمانڈر ءَ نوکیں سنگتے گون اَت، پیداک اَت سنگت ءَ وتی دیم ڈکّ اِتگ اَت گڑا سنگت سر بوت نِشت درچک ءِ چیر ءَ سنگتاں آپ آرت ءُ سنگتاں شیر چاه جوڑ کُت۔
مئے هم ٹرینگ هلاس بوت گڑا ما هم اَتکیں سنگت وش اتک کُت وش اَتکی ءَ رند گپ ءُ هال بوت گڑا من کمانڈر ءَ را جُست کُرت کہ اے سنگت ءِ کوڈ نام چے اِنت ءُ سنگت ءَ درّائینت ءُ گُشت کہ اے سنگت ءِ کوڈ نام” میرو “ اِنت۔
من چِہ وڑ ءَ دیست سنگت ٹیٹیں سنگتے گڑا سنگت کُل پاد اتک اَنت شام ءِ بَست ءُ بند بوت، وھدے کہ من آرت تر کنگ ءَ اِت آں گڑا ھمے دمان ءَ ”میرو“ رس اِت ءُ من ءَ گُشت ئِے آرت ءَ من ءَ بہ دے من ئِے تَر کناں، من درائینت پُل تو زان ئے؟ گوں بچکندگی ءَ من ءَ چار ءُ گُشت ئِے; من بِلّے مہ زاناں هیل ءُ دربرگ لوٹ ایت، اے اولی سنگت اَت کہ من دیستگ اَت سک گل اَت نوکی یک سرجمیں روچ اوں سرجم نہ اَت تو گُش ئے پورا کوه ءَ کَرنے گوازینتگ اَت ئِے گڑا روچ روان اِت اَنت۔ میرو میزان میزان ءَ ھر چیز ءَ بلد ءُ پوہ بوان اَت، ھر کار ءَ گوں شوکی ءَ دیم ءَ بران اَت موٹرسینکل ءِ ھم بلاھیں اُستادے اَت ءُ اگرچہ ما پند ءَ جاھے ءَ روگی اَتیں گڑا چہ موٹرسینکل ءَ میرو ءَ کس اوں وار ئِے نہ دات کہ الم من دیم ءَ بہ باں، میرو جگردلے اَت ءُ سکّ ءَ نہ تُرسیں سنگتے اَت ۔
من ءَ یات اِنت وھدے کہ ما ھور مدام دار ءِ چنگ ءَ شوتیں گڑا میرو ءَ سجھیں راھاں گپ ئِے جَت ءُ من جُست کت ءُ آئی ءَ پَسو دات آئی ءِ پسوھانی تہ ءَ چہ یک پسویے ایش اَت کہ تو چوں اے جُھد ءَ سان گپتگ ئے ءُ ھوار بیتگ ئے؟ گُشت ئِے کہ من ءَ سک دیر اِنت من اے راه پُول اِتگ بلے اِے راه من هچ ندیستگ پد ءَ گُڑا وھدے کہ منی میتگ ءِ سنگتے ءَ نمیرانیں پدائی ”همّل مومن“ ءَ کہ پدائی کت گڑا منی ھُب ءُ واهگ چمے راہ ءَ دلگوش بوت آں ءُ پد ءَ گیشتر من مدام کہ همے ھَکّل ءِ یا سگار ءِ تامراں چاراں!-
چہ ایشی ءَ پد مات ءُ گوهارانی کہ دگانی سر ءَ کپتگ اِت اَنت، چوں بزگ اَنت، پاکستانی لشکر چنکیاس زُلم ءُ زوراکی کنگ اِنت، منی مات ءُ گوهارانی سر ءَ کہ من ھر وهد ایشاں کہ گنداں منی چماں اَرس بند نہ بوتگ اِت اَنت گڑا من سوڑگ کُت کہ نی من ءَ دیم پہ منزل ءِ نیمگ ءَ رھادگ لوٹ اِیت ،وتی پَرز پیلو کنگ لوٹ اِیت مرگ وَ الّم یک روچے کَیت بلے منی واهگ ھمیش انت کہ من پہ وتی مات ءُ گوهارانی ننگ ءُ ناموس ءِ رکینگ ءِ ھاتر ءَ شهید بِباں۔
ایشی ءَ چہ ابید پد ءَ گُشتگ اَت ئِے کہ منی کار کُنٹانی ءَ بیتگ کُنٹانی ءَ کار ءِ تہ ءَ زَر باز بیتگ بلے پوج کوسٹ گارڈ ءَ هما وڑیں زُلم کتگ کہ دل ترک اِتگ بلوچاناں انچیں زاه داتگ اِش، بے گناه ءُ بے میار ءَ ناهدا ءُ جانشو لَٹ داتگ اَنت گُڑا من وتی دل ءَ مدام گُشتگ یک وھدے کیت من درستانی هساب ءَ گِراں پوج ءَ۔
من جُست کت تو زامات ئے؟ کند اِت ءُ گُشت ئِے منی آروس نزیک بیتگ بلے من گُشتگ نی آروس ءَ چے کناں اگاں آروس کناں باندا منی چُک پد ءَ انچو بزگ ءُ وار باں اے گُلامی هلاس کنگ لوٹ اِیت گُلامی ءُ سالونکی مارا زیب نہ دنت۔ ”میرو “یاریں مردمے اَت من ءَ یات اِنت میرو ءَ مدام هامد ءِ کالک گانا (ما تی باگ ءَ لگت مالیں چو پُلّ ءَ کپتگیں) میرو ءَ گو کُل سنگتاں دائم مسکرا کُتگ مزن دلیں میرو ءَ هجبر مسکرا دل ءَ نہ کتگ مهروانیں سنگتے اَت۔
من ءَ هما ڈال میرو ءِ انگت یات کیت سُتکگیں، میرو ءَ کُلّیں سنگت بے سُبارگ کُت اَنت، میرو من مدام چڑینت میرو ڈالے جوڑ کن میرو ءَ هم کند اِت سنگتاں هم کند اِت۔میرو یک روچے ءِ سپرے ءَ دراتک شُت مدتے ءَ رند اتک جنگ ءِ تیاری بیگ ءَ اَت میرو من دیست من گل بیتاں سنگت اتکگ گڑا من میرو دست بوسہ دات هال اهوال بیت من گْوشت هال کن چون بیتگ سپر گُشت ئِے سک وش اَت یار کند اِت ئِے ءُ گُشت ئِے سگریٹ سک باز بیتگ میرو ءَ سگریٹ باز کشتگ اَت پد ءَ گُشت ئِے بدے هالاں جنگ ءِ تیاری بیگ اِنت من گْوشت هو! یار گُش اِیت مزنیں جنگے، بیگ ءَ اِنت باریں کجام ماتانی شیریں بچ اَنت اے رندی وت ءَ پِدا کناں من گْوشت هو یارپد ءَ گُشت ئِے تو گونے گوں بلکیں من گُشت پدائی پُل منی کارے نہ اِنت مزنیں دل ءُ جگرے لوٹ اِیت پدائی اِشک ءِ گُڈسر ءَ من انگت چُشیں آشک ءِ جوڈ نہ بیتگ اَنت من همدا شرّاں ”لاگے لَڈّاں“-
میرو ءَ گُشت هو یار پدائی مزنیں جگرے لوٹ اِیت بلے من ءَ چی سما اَت کہ اِے مزن جگرانی تہ ءَ یکے میرو اِنت میرو من ءَ هم هبر نہ کُت کہ من چُشیں پیسلھے زُرتگ من میرو ءَ دراهیں شپ گپ ءُ دیوان کُت دانکہ شپ ءِ دو بج ءَ گڑا میرو ءَ گُشت من یار وپساں کہ من ءَ سهب ءَ پد ءَ سپرے ءَ روگی اِنت۔
من گُشت تو مرچی اتکگ ئے باندا پدا رو ئے ؟ گُشت ئِے هو! یار روگی انت مارا من گْوشت جوان گڑا پُل وپسیں، گڑا سهب بیت میرو ءَ چاھے وارت گوں چینز ءِ سنگتاں موٹرسینکل ءَ اَنڈلے جت در کپت میرو شُت چہ منی چمّاں اَندر بیت گڑا ما گوں وتی کاراں دزگٹ بیتیں جنگ هم نزیک اَت ما جنگ ءِ تیاری کُت گڑا هما روچ اتک سر بوت کہ ما وداریگ اَتیں جنگ بندات بیت ما دگ داشت یک دراهیں شپے ءَ جنگ داشت دانکہ سهب ءَ ۔
سهب بیت گڑا پد ءَ رندا کمانڈر ءَ گُشت نی شما درکپ اِت ما درکپتیں اتکیں کوه ءِ بُرز ءَ سنگت ءِ شو رینج ءَ هال اهوالے کمو ساهتے رَند اتک گُشت ئِے کہ سنگتاں پدائیاں دوشی وتی جنگ بیلہ ءَ بندات کُتگ دو گاڑی جتگ اِش یک موٹلے گْوهارے ءَ جتگ ءُ یکے سنگتے ءَ من جُست گپت گڑا کَے بیتگ اَنت؟ گُشت ئِے گْوهار ءِ نام ماهل اِنت ءُ سنگت ءِ نام رِزوان کوڈ همّل اِنت من گُشت رزوان کَے اِنت؟ سنگتے ءَ توار جَت گُشت ئِے تئی سنگت میرو اِنت۔
من هیران بیتاں رزوان میرو اِنت ؟ گُشت ئِے هو! میرو ءِ اسلی نام رزوان اِنت، گڑا من ساهتے ءَ ابّکہ بوت آں میرو ءَ گاڑی یے جتگ کُربان یار من نزانتگ میرو چُشیں مزنیں کربانی یے دات۔ میرو ءَ وتی کوڈ همّل کتگ اَت پرچا کہ همل ءَ چہ متاسِر اَت میرو ءَ وتی نام راج دپتر ءَ مدامی ءِ واست ءَ اِیر کُت میرو ءَ زمین ءِ مهر انچو باز اَت کہ وت ءَ ٹُکّر ٹُکّر کُرت ئِے گوں زمین ءِ وشبوهاں هوار بوت میرو سوبمند بوت ۔
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسانی درشانی انت-