کلات ءَ پوجی آپریشن برجاہ، چہ ھیلی کاپٹراں کمانڈوز ایر گیجگ بیتگ اَنت

بلوچستان ءِ دمگ کلات ءِ کوھی دمگاں پاکستانی پوج ءِ نیمگ ءَ آپریشن برجاہ اِنت، جتا جتائیں جاھاں ھیلی کاپٹران کمانڈوز ایر گپتگ اَنت-

اھوالانی رد ءَ بربوئی ءب ھند کرگزی، ھیسن بند،پودگی، سرھین، کاکڑی، جوھان، نرمک ءِ ھنداں پوجی آپریشن برجاہ اِنت-

دمگی اھوالانی رد ءَ جتا جتائیں جاھاں ھیلی کاپٹراں کمانڈوز ایرگپتگ اَنت-

دمگ ءَ پوجی آپریشن ءِ برجاہ بوگ ءَ دگہ گیشیں اھوال سر نہ بیتگ اَنت-

زانگ بہ بیت دو ھپتگ ءَ پیش نرمک تھت ءَ پوج ءِ ٹرک یک بمبے ءِ نشانگ کنگ بیتگ ات کہ چریشی ءَ واکداراں ھشت کارمندانی زدگ ءِ ھال راست کتگ ات-

اے اُرش ءِ زمہ واری بلوچ لبریشن آرمی ءَ من اتگ ات – جارکش جیئند بلوچ ءَ گوشتگ ات کہ پوج کارمندانی گاڑی ھما وھد ءَ نشانگ کتگ کہ دمگ ءَ آپریشن کنگ ءَ سر ءُ پر ءَ بیتگ-