روکپتی بلوچستان ءُ کرمان ءَ جھمنندیں دو بندیگیں بلوچانی پاھو دیگ ءِ ھکم ءِ آیگ ءَ آ جتائیں ایوکی کوٹیانی برگ بیتگ اَنت-
گیشیں اھوالانی رد ءَ روکپتی بلوچستان ءِ دمگ سرباز ءُ ایرانشھر ءِ جھمنند ساسان ء جمعہ ءُ کرمان ءَ ھواریں دمگ کھنوج ءِ جھمنند سعید خواجہ ھیدری ء شیخ علی ماں عادل آباد شیراز ءِ زندان ءَ پاھو دیگ ءِ ھکم ءَ جتائیں کوٹیاں برگ بیتگ اَنت-
اھوالانی رد ءَ سعید خواجہ پنچ سال پیش شیراز ءَ نشہ باپاری ءِ پژدر ءَ گرگ بیتگ ءُ پد ءُ دادگاہ انکلاب شیراز ءَ آئی ءِ سر ءَ ھکم ءِ پاھو داتگ بیتگ-
ساسان ھم پنچ سالبءَ پیش شیراز ءَ نشہ باپاری ءِ بھتام ءَ گرگ بیتگ ءُ پد ءَ آئی ءِ سر ءَ ایرانی آمیدگس ءَ پاھو دیگ ءِ ھکم داتگ-
زانگ بہ بیت گوستگیں ھپتگ ءَ روکپتی بلوچستان ءِ بنجاھی شھر زاھدان ءَ شش کس پاھو دیگ ءَ جتائیں ایوکی کوٹیاں برگ بیتگ اَنت کہ آیانی توک ءَ پنچ مردمانی پجار بیتگ اَنت کہ روکپتی بلوچستان ءَ ھواریں دمگ زابل ءُ اوگانستان ءِ سیمسری بلوچ ھلک نیمروز ءَ اَنت –