مستونگ ءَ پاکستانی پوج ءِ سر ءَ اُرشانی زمہ واری بی ایل اے ءَ من اتگ اَنت

بلوچ لبریشن آرمی ءِ جارکش جیئند بلوچ ءَ رسانکدراں شنگ کتگیں درشان ءَ گوشتگ مئے سرمچاراں مستونگ ءَ سَے جتا جتائیں اُرشاں آپریشن ءَ دزبندیں پاکستانی پوج ءُ آئی ءِ بنجاھی بنجل نشانگ کتگ اَنت-

آئی ءَ گوشتگ بلوچ لبریشن آرمی ءِ سرمچاراں گوستگیں شپ ءَ مستونگ ءِ دمگ اسپلنجی ءَ ھستیں زورگرین پاکستانی پوج ءِ بنجاھی بنجل نشانگ کتگ – سرمچاراں دشمنیں پوج ءِ سر ءَ راکٹ لانچران ھوار مزنیں سلاھانی گون ءَ اُرش کتگ-

اُرش ءَ دشمن ءِ یک کارندھے جاہ پہ جاہ ءَ مرتگ ءُ کساس چار زدگ بیتگ اَنت-

جارکش ءَ گوشتگ بی ایل اے ءِ سرمچاراں دوشمبے ءِ روچ ءَ مستونگ ءِ ھند اسپلنجی ءَ ھم پاکستانی پوج ءِ کارندہ ھما وھد ءَ ریموٹ کنٹرولڈ آئی ای ڈی ءِ نشانگ کتگ اَنت کہ آ اے دمگ ءَ آپریشن ءَ دزبند بیتگ اَنت-

تراک ءَ پوج ءِ دو کارندہ زدگ بیتگ اَنت-

گیش آئی ءَ گوشتگ بلوچ لبریشن آرمی ءِ سرمچاراں دو شمبے ءِ روچ ءَ مستونگ ءِ شھر ءَ پاکستانی پوج ءِ بنجاھی بنجل ءِ پھزداری گرنیڈ لانچر ،تراکاں گوں اُرش کتگ چریشی ءَ کساس سَے کارندہ زدگ بیتگ اَنت-

جارکش ءَ گوشتگ اے زمہ واریاں بی ایل اے من ایت-