بلوچستان ءِ دمگ کیچ ءِ ھند ناصرآباد ءَ پاکستانی پوج ءَ ڈرون کیمرہ ءَ مردمانی تُرسینگ واستا دراھیں شپ ءَ ترّ اِیت-
دمگی اِھوالکار گوشگ اِنت کہ پاکستانی پوج نیمگ ءَ چہ سرجمیں شپ ڈرون کیمرہ ءَ مردمانی لوگانی دپ ءُ بال دنت-
دمگی مردمانی گْوشگ اِنت کہ دمگ ءَ لین نہ بیگ سبب ءَ مردم لوگ ءَ ڈن وپس اَنت وھدے مردم وپسگ ءَ رو اَنت گُڑا پوج نیمگ ءَ چہ ڈرون کیمرہ ءَ مردمانی سراں بال دیگ ءَ بندات کنت-
زانگ بہ بیت کہ سرجمیں بلوچستان ءَ گیشتر میتگانی میان ءَ پاکستانی پوج نیمگ ءَ چہ برجاہ کتگیں بُنجل چوکی درگت ءَ چہ اے وڑیں شکایت دزکپتگ اَنت- اود ءَ بازیں رند ءَ دمگی مردمانی نیمگ ءَ چہ میتگانی تہ ءَ برجاھیں بُنجل ءُ چوکیانی ھلاپ ءَ زھرشانی نکش کنائینتگ اَنت ءُ چوکی ءُ بُنجل ھلاس کنگ لوٹ کتگ-