بلوچستان ءِ بنجاھی شھر شال ءَ یک ورنایے زورانسری بیگواہ کنگ بیتگ ءُ کیچ ءِ جھمنندین بندیگین مردمے یل کنگ بیتگ-
گیشیں اھوالانی رد ءَ چہ شال ءَ پاکستانی پوج ءَ نومی نامیں ٹک ٹاکریں ورنایے آوار جتگ –
اے ورنا ٹک ٹاک ءَ تامر جوڑ کنت کہ آ بیست ءُ سَے اگست دوھزار ءُ بیست ءُ چار ءِ ساھت دَہ ءَ شال ءَ پوج ءَ چست کتگ ءُ برتگ-
ھمے ڈول کیچ پیدارک ءِ جھمنندیں سمیر ء نعمت اللہ یل بیتگ ءُ وتی لوگ ءَ سر بیتگ-
آ گوستگیں سال ءَ کراچی رئیس گوٹھ ءَ پاکستانی پوج ءَ دزگیر کتگ ءُ ورنا ءِ بیگواھی ءِ ھلاپ ءَ کھول ءَ تربت ڈی سی آپس ءِ دیم ءَ زھرشانی ءَ ھم بھر زرتگ بیتگ-