گوادر: بلوچ زالبول فدائین ماھل بلوچ ءِ گائبانہ نماز جنازہ وانگ بیتگ

گوادر ءَ نماز جنازہ ءَ ماھل بلوچ ءِ سیاداں ھوار بازیں کچے ءَ شھریاں بھر زرتگ-

سر بیتگیں اھوالانی رد ءَ گوستگیں روچاں بلوچ لبریشن آرمی ءِ آپریشن ھیروپ ءِ تک ءَ بیلہ ءَ پاکستانی پوج ءِ ھیڈکوارٹرز ءِ سر ءَ فدائین کنوکہں زالبول ماھل بلوچ پنام ءِ زلان کرد ءِ گائبانہ نماز جنازہ وانگ بیتگ-

زالبول فدائین ءِ نماز جنازہ آئی ءِ بنکی ھنکین گوادر ءَ وانگ بیتگ کہ اود ءَ شھریاں بازیں کچے ءَ بھر زرتگ-

زانگ بہ بیت بیست ءُ شش اگست ءِ شپ ءَ بلوچستان ءِ دمگ بیلہ ءَ پاکستانی پوج ءِ ھیڈکواڑ ءِ سر ءَ بی ایل اے مجید بریگیڈ ءِ فدائی ماھل بلوچ پنام ءِ زلان کرد ءَ بنجل ءِ گیٹ ءِ سر ءَ باروداں پریں گاڑی یے -کر جتگ –

بلوچ لبریشن آرمی ءِ سیمی زالبولیں فدائین ماھل بلوچ ءِ بنکی سیادی گوادر شھر ءَ بیست ءُ پنچ کلو میٹر دور سربندر ءَ انت ءُ آ سربندر ءِ نامی ئیں سیاسی ھدامرزی کھدہ ھسا ءِ زھگ کھدہ ھمید ءِ جنک بیتگ-

بلوچ لبریشن آرمی ءِ رد ءَ ماھل بلوچ ءَ ڈگری کالج گوادر ءَ ایف اے کتگ ءُ چریشی ءَ پد آ تربت یونیورسٹی ءَ ایل ایل بی ءَ داکلہ زرتگ ءُ اود ءَ آ گڈی سیمسٹر ءِ نودربر بیتگ ءُ سال دوھزار ءُ بیست ءُ دو ءَ بی ایل اے ءَ ھوار بیتگ ءُ یک سالے ءَ پد سال دوھزار ءُ بیست ءُ سَے ءَ آ فدائین مجید بریگیڈ ءِ بھر جوڑ بیتگ-