بلوچستان ءِ دمگ کیچ ءِ جتاجتائیں ھنداں لشکر کشی ءِ ھال اِنت- وھدے کہ جتاجتائیں ھنداں پیادگ ءَ پوج ءِ کارمندانی روگ آیگ ءُ راہ ءُ درانی بندگ ءَ ھوار تیرگوار کنوکیں ھیلی کاپٹرانی بال برجاہ ءَ اَنت-
ھالانی رِد ءَ مروچی سھب ءَ چہ ناصر آباد ءَ مزنیں کچے ءَ پوج ءِ کارمندانی روگ آیگ برجاہ ءَ اِنت وھدے کہ دومی نیمگ ءَ دشت ءِ جتاجتائیں ھنداں پوج ءَ انگر ءَ کتگ پٹ پول برجاہ ءَ اِنت-
ھمے وڑ چہ بلیدہ ءَ ھم ھال اِنت کہ مروچی سھب ءَ تیرگوار کنوکیں ھیلی کاپٹرانی بُرز بال برجاہ ءَ اِنت، بلے لشکر کشی ءِ میان ءَ تنی وھدے ھچ وڑیں دزگیری ءُ جانی تاوان ھال دیم ءَ نیتکگ-
دمگی اِھوالکار اے دمگاں لشکر کشی ءِ گپ راست کتگ بلے واکدر نیمگ ءَ انگت ھچ وڑیں درشان دیم ءَ نیتکگ-