بلوچ وائس فار جسٹس ءِ جارکش ءَ شنگ کتگیں درشان ءِ تہ ءَ گْوشتگ کہ بیست پنچ جولائی ءَ رمضان بلوچ، جمیل احمد سرپرہ، کفایت اللہ ءُ سجاد بلوچ ءِ یل کنائینگ ھاتر ءَ ایکس سر ءَ مھمیں برجم دار ایں-
جارکش ءَ گْوشتگ کہ رمضان بلوچ ءَ 25 جولائی 2010 ءَ چہ اوتھل زیرو پوائنٹ ءَ زورانسری بیگواہ کنگ بیتگ، جمیل احمد سرپرہ 25 جولائی دوھزار پانزدہ گرین ٹاؤن ، شال ءَ آئی ءِ لوگ ءَ چہ زورانسری بیگواہ کتگ ءُ سجاد بلوچ 25 جولائی دوہزار بیست یک ءَ چہ شال ءَ آئی ءِ لوگ بیگواہ کتگ ءُ اے چاریں تنی وھدے بیگواہ اَنت – آیانی زورانسری آوار جنی ءَ کساس چاردہ سال، نُھ سال، شش سال ءُ سے سال بیتگ اَنت-
آئی ءَ گْوشتگ کہ سیاسی ءُ چاگردی باسک باندا بیست پنچ جولائی ءَ ایکس ءَ مھم ءَ ھوار بہ بنت زورانسری آوار جنی ءِ یل کنائینگ ھاتر ءَ توار چست بہ کن اَنت-