من ءُ منَی ھمبل ساھل جان
نبشتہ کار :سنگت کوھی
دی بلوچستان پوسٹ
سنگت ساھل گو من دوھزار بیست ءُ سَے آ دوچار کپت آ سکیں مھروانیں سنگتے ات آئی ءَ گو وتَی شرکنیں گپاں مدامی سنگتاناں کندینتگ ات بلے وھدیکہ پہ زمین اے سر ءَ گپ بوت گڑا آ سک سریس بوت ھرچ سنگت اے زھن آ یک گونڈیں سوالی ات گڑا آئی ءَ آ آ سنگت اے پسو جوانیں رنگے ءَ ات آ دات ئے گوں کسان سالیں عمر ءَ آ اے دست آ ھرچیز بوت آئی ءَ آ پہ زمین آ کت گڑا یک روچے من جست گپت کہ تو زمین آ کجام رنگ آ چار اے آئی ءَ آ من آں چارت ءُ بچکند ات ءُ آئی ءَ گوشت باز مردم ھست انت کہ اے زمین آ وتی مات کنت بلے من وتَی دل ءَ جیڑین کہ اے زمین منَی دشتار انت-
گڑا ما ھمے ھبر ءِ سرا بھس کت گڑا آئی ءَ من ءَ گوشت کہ ھرچ مردم اے وتَی ھیال ءُ لیک انت تو اگاں وتَی مات ئے کت کنَے گڑا من وتَی دشتاری چتو کت نہ کن آں ؟ گڑا من بچکند ات ءُ گوشت کہ ھو سنگت تَی وتی ھیال انت منَی وتَی ھیال انت گڑا اے کسَہ ءَ چَی رند ءَ گوں من آ سک نزدیک بوت آ مدام گوں من نشت بری یک جیڑائی ءِ سرا دیوان بوت گڑا یک رندے من جست گپت کہ چمن ءَ مستر ات ءُ زانتکار تریں سنگت ھست گڑا تو من ءَ پچیا مدامَی جست گرے آئی ءَ بچکند ات ءُ گوشت کہ تئی ھیال من ءَ سک وش بیت اِنت-
بازیں وھدے ءُ رند من ءَ وتَی وڑیں مردمے دست کپتگ گڑا من اوں آئَی ءَ بازیں جیڑھانی سر ءَ تران کت گڑا یک رندے ءَ آ سفر ءَ در کپت آئی ءَ من ءَ گوشتے کہ سنگت وتَی ھیال ءَ دار کہ من سفرے ءَ درکپگ اؤں بگندے سنگت پد ءَ واتر اتک اوں اگاں آیگ نہ بوت گڑا آواریں سنگت بازیں وھدے ءَ رند پد ءَ گو من دو چار کپت گڑا آئی ءَ من ءَ گپت ءُ بگلا کت بچکند ات ءُ گوشت کہ من ترا چو یل نہ کن آن دان مرگے ساھت ءَ من اوں تو یک جاہ بہ ایں گڑا مدتے ءَ رند من سنگت دیستگ ات گڑا من گوشت کہ اے وھدا کہ من چتو جتا بوتگ آں اے منَی زندے گرانیں ساھت بوتگ انت آئَی ءَ من ءَ گوشت پرش کہ من سنگت گوشتگ انت کہ ترا بیار انت گڑا من اوں آئی ءَ سجیں شپ آ نشتگ اوں دیوان کت من ءَ انگت یات انت کہ تو گوں ملوریں پچکندے من ءَ گوشتے کہ نوں من اوں تو اگاں جتا بباں گڑا پد ءَ منَی اوں تَئی دیوان گوں ھما سنگت ءَ بیت کہ آیاں پہ زمین ءَ وتَی سر ندر کتاں من گوشت اُف باریں آ روچ کدی کیت آ پد ءَ کمے خاموش بوتاں من کند ات اڑے گوشت کہ اے چونیں کیفیت انت من الم اے چیزاں نبشتہ کناں تَئی سرا آئی ءَ کندت ءُ من ءَ گوشت اد ءَ نوں کجاہ وت ءَ را آ ملائی سر ءَ دے من تَئی واب ءَ کایاں اڑے منَی مھروانوکیں سنگت مرچَی من نبشتہ کتگ اے چیز تو بیا کمے منی واب ءَ من ترا دیدار کن آں-
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔