شئر: سال ءِ گڈی ماہ دسمبر
شائر: شاد بلوچ
دی بلوچستان پوسٹ
تو کہ کائے
دل ءَ آس ماندارے
آجب بیت زندگی
او زانت ءِ چیدگ!
ترا کہ جیڑاں
زندگی دو ہمچو جیڑہ بیت
ءُ اچ من چے دور بیت
ترا چہ پد ابیتکیں زندمان
ءُ ابیتک ابیتکاں زندگی ءِ دمک ءُ در ،
بے ترا
تو چیا بدل کت زندے ہنکیں وتی؟
گوشئے سرجمیں گیدی ءَ لڑ اتگ ،
نہ جنت کسے تئی چہرگءَ ،
برے برے شالے برپیں بدن
ابیتکیں دمک ءُ در
دگانی سرے مچی
مہرنگ ءُ مہلب ءِ گشتانک
سمی ءُ صبیہ ءِ جزبہ
دل ءَ تئی یات پرینت
چو زهم ءِ ٹپ ءَ کدیت ارواہ منی
او زانت ءِ چیدگ!
تو چیا بدل کت زندے ہنکیں وتی؟
کمو بجلتیں
زندے نوکیں کشک ءِ اڑ کتیں
واب دیستگیں زندے ہزاریں واهگ
پہ یک امیتے سر کتیں منزل ءَ
سال ءِ گڈی ماہ دسمبر
تو کہ کائے
دل ءَ آس ماندارے
آجب بیت زندگی