تربت: آپسر کولوائی ظریف ءِ بیگواھی ءِ ھلاپ ءَ 2 نومبر ءَ روانک کشگ بیت اِنت- کھول

19 اگست ءَ 2023 ءَ تربت آپسر کولوائی بازار ءَ پاکستانی پوج ءِ دست ءَ آوار جنگ بیتگیں ظریف ء محمد بخش ءِ بیگواھی ءِ ھلاپ ءَ آئی ءِ کھول ءَ زھرشانی روانک ءِ جار جتگ –

کھول ءِ رد ءَ دوچکاری دکان ءَ کار ءَ بیتگ کہ پوج ءَ آوات جتگ ءُ برتگ، کھول ءِ رد ءَ آئی ءِ بیگواھی ءَ پد ما ڈپٹی کمشنر کیچ، اسسٹنٹ کمشنر تربت، ڈسٹرکٹ کونسل ءِ چیئرمین میر ھوتمان ءَ ابید دگہ مزنیں مردمانی گور ءَ شتگ ایں ءُ لوگانی در ٹک اتگ اَنت ءُ درستاں بلے یکیں اوپار کنگ ءِ گوشتگ بلے داں انگت یل نہ بیتگ اَنت-

آیاں گوشتگ ظریف یک گریب ءُ مزدوریں مردمے وتی دکان ءَ بلوچی دوچکاری ءَ بیتگ ءُ آئی ءَ ھچ سیاسی پاٹیاں گوں بندوک نہ اِنت ءُ نانکہ سیاسی پرکاریاں گون بیتگ-

آیاں گوشتگ کہ آئی ءِ بیگواھی ءَ پد مئے سرجمیں کھول ازیتناکیں دردانی آماچ اَنت ءُ ما نہ زان ایں مئے کھول ءَ کجام سزا دیگ بوگ ءَ ایں –

آیاں گوشتگ اگاں ما کانون ءِ چماں گنھگار اِنت ءُ کسروار اِنت گڑا مارا ھم کانون ءِ چیر ءَ مارا سزا بہ دے اِت مئے گون ءَ گیر کانونی امل ءَ مئے سرجمیں کھول ازیت سوب بیگ ءَ ایں –

آیاں گوشتگ ڈپٹی کمشنر کیچ، ڈسٹرکٹ چیئرمین ءُ واکداراں چہ ظریف بلوچ ءِ یل کنگ ءَ سرجمی ءَ گامگیج زورگ ءِ دزبندی اِنت –