روکپتی بلوچستان ءِ تیل کشیں یک مردمے ماں رودراتکی بلوچستان ءَ پاکستانی پوج ءَ دزگیر کنگ ءَ پد گون وت برتگ-
سر بیتگیں اھوالانی رد ءَ آدینگ ءِ روچ ءَ بلوچستان ءِ دمگ پنجگور ءَ دیم پہ واتری ءَ روکپتی بلوچستان ءَ روکیں تیل کش پاکستانی پوج ءَ وتی چوکی ءَ آوار جنگ ءَ پد گون وت برتگ-
آوار جنگ بیتگیں مردم ءِ پجار بیست ءُ چار سالی ئیں علی دامنی ء بھرام جھمنند مئگس ’مھرستان‘ روکپتی بلوچستان ءِ نام ءَ زانگ بیتگ-
آئی ءِ دزگیری ءِ ھال آئی ءِ نزیکیں سنگتاں داتگ ءُ چریشی ءَ پد آئی ءِ ھچ اھوال نیست-
رسانک نیوز ءِ رد ءَ علی دامنی یک تیل باپاری مردمے ءُ ڈپو ءَ تیلانی ھالیگ کنگ ءَ پد واتر روگ ءَ بیتگ کہ پنجگور ءَ چوکی ءَ پوج ءَ آوار جتگ ءُ گون وت برتگ-