ساؤتھ افریقہ ءَ بنگلہ دیش ءِ دیم ءَ یکسد ءُ چِل ءُ نھ رناں گوں گوازی کٹ اِتگ

آئی سی سی کرکٹ ورلڈ کپ ءِ بیست ءُ سیمی گوازی ماں بھارت ءَ بنگلہ دیش ءُ ساؤتھ افریقہ ءِ میان ءَ کنگ بوتگ –

ساؤتھ افریقہ ءُ بنگلہ دیش ءِ میان ءَ بوتگیں گوازی ءَ ساؤتھ افریقہ ءَ ٹاس کٹ اِتگ ءُ اولسر ءَ بیٹنگ کنگ ءِ شور کتگ کہ آئی ءَ بنگلہ دیش ءِ دیم ءَ پنجاہ اوورانی تہ ءَ پنچ وکٹانی تاوان ءَ سَے سد ءُ ھشتاد ءُ دو رنانی ٹارگٹ ایر کتگ کہ بنگلہ دیش ءَ اے ٹارگٹ پروشت نہ کتگ ءُ چِل ءُ ششمی اوور ءَ دو سد ءُ سِی ءُ سَے رن جوڈ کتگ ءُ دراھیں لیبی آؤٹ بوتگ انت –

ساؤتھ افریقہ ءِ نیمگ ءَ درساں گیشتر کوئنٹن ڈی کوک ءَ یکسد ءُ ھپتاد ءُ چار ،ہینرک کلاسین نود ءُ کپتان ایڈن مارکرم ءَ شست رن جوڈ کتگ انت –

بنگلہ دیش ءِ نیمگ ءَ حسن محمود دو وھدیکہ مہدی حسن میراز، شوریفُل اسلام ءُ شکیب الحسن یک یک وکٹ گپتگ – بنگلہ دیش ءِ نیمگ ءَ درساں گیش محمود اللہ ءَ یکسد ءُ یازدہ بالاں 111رن جوڈ کتگ انت –