بلوچستان لبریشن فرنٹ ءَ راجی میاربار جمیل ء عید محمد جھمنند سورک بل نگور گل ءِ آمیدگس ءِ شور ءِ آسر ءَ مرگ ءِ سزا داتگ ءُ آئی ءِ ھمراہ مصدق ء خورشید نگوری جھمنند بل نگور ءَ وتی میارباری ءِ منّگ ءَ پد نادراھی ءِ سْوب ءَ مُرتگ۔ جمیل ء مصدق دوئینانی گپ تامُربند کنگ بیتگ اَنت ءُ دیمتر ءَ شنگ کنگ بنت۔دوئیناں وتی گپانی تہ ءَ پہ پاکستانی لشکر ءُ چیریں ادارھاں کار کنوکیں وتی ٹولی ءِ بابت ءَ ھم سرپدی داتگ،چہ ایشی ءَ گل ءَ ریاست ءِ کمکار ءُ دُژمن ءِ سیتانی بگیری ءَ کار کنگ ءَ دیمتر کمک رَس ایت۔
جمیل ء عید محمد سال 2014 ءَ بگر داں کہ 2015 ءَ بی ایل ایف ءِ شھری نیٹورک ءَ بندوک بیتگ، 2018 ءَ پد کہ زانگ بیتگ گڑا گل ءِ بنجل ءَ برگ بیتگ بلے نادراھی ءِ سْوب ءَ آئی گل ءِ کاراں بھر زُرت نہ کُرتگ،پہ آئی ءِ نادراھی ءِ درمان کنگ ءَ گل ءَ بازیں زرے داتگ ءُ پہ درمان کنگ ءَ کراچی ءَ راہ داتگ۔جان دُراہ بیگ ءَ پد ایمنیں جاگھے ءَ نادینگ بیتگ۔پد ءَ پہ وتی نادراھی ءُ درمان کنگ ءِ بنیاد ءَ یو بی اے ءَ شُتگ۔ گل ءَ جمیل ءِ ھمگرنچی ءُ نادراھی ءِ سْوب ءَ گوں آئی ءَ تْرندی نہ کُرتگ، وھدے کہ آئی گوادر ءَ شُتگ ءُ پاکستانی پوج ءِ دیم ءَ سرجھل کُرتگ انگت ءَ ھم گل ءَ آئی ءِ نارداھی ءِ سْوب ءَ یک لس شھری یے ءِ بنیاد ءَ نندگ ءِ موکل داتگ۔
جمیل ءَ اے میان ءَ گل ءِ گون ءَ رھوت کُرتگ ءُ گْوشتگ کہ نوں آ گھتر اِنت ءُ پد ءَ گل ءِ کاراں بھر زُرت کنت،پمشکا پد ءَ من ءَ گل ءَ بہ زور اِت۔گل ءَ چہ وتی چیریں ادرہ ءَ آئی ءِ بابت ءَ سرپدی رَس اِتگ بلے گل ءِ کارشونی ءِ بنیاد ءَ آ پد ءَ گل ءَ زورگ بیتگ۔
گل ءِ چیریں کاروائی یے ءَ دزگیر بیتگیں ریاست ءِ چریکاں منّ اِتگ کہ جمیل ء عید محمد گوادر ءَ جھمنندیں پاکستانی پوج ءِ سروگان میجر عمر ءِ سروکی ءَ پہ پاکستانی پوج ءَ کار کنگ ءَ اِنت۔مھمکیں منّانکانی بنیاد ءَ گل ءَ آئی ءِ دزگیری ءِ شور کُرتگ، اے شور ءِ رِد ءَ میاربار دگیر کنگ ءُ پٹ ءُ پول کنگ بیتگ ءُ میار ءِ منّگ ءَ پد گل ءِ آمیدگس ءَ پیش کنگ بیتگ کہ آمیدگس ءَ منّانک ءُ گواھانی چار ءُ گزار کنگ ءَ پد مرگ ءِ سزا دیگ ءِ شور کنگ بیتگ کہ چار اکتوبر ءَ کار آسر کنگ بیتگ۔
مصدق ء خورشید نگوری ءَ ھم جمیل ءِ ھمراہ بیتگ ءُ پیسر ءَ بلوچ ری پبلیکن آرمی ءَ ھمگرنچ بیتگ۔ 2015 ءَ پاکستانی پوج ءِ دیم ءَ سلاہ ئِے چگل دیگ ءَ پد پہ پاکستانی پوج ءَ کار کنگ ءَ بیتگ۔جمیل ءِ سرجھل کنگ ءَ پد دوئیناں میجر عمر ءِ گْوشگ ءِ سر ءَ پد ءَ گوں گل ءَ رھوت کنگ ءِ جُھد کُرتگ داں گل ءِ سری ئیں کماندارے ڈرون اُرشے ءَ یا دگہ وڑے ءَ نشانگ بہ کنائین اَنت۔چہ تچکیں بنشونے ءَ اے پندل ءِ بابت ءَ سرپد بیگ ءَ ابید گل ءَ پہ سَگ ءُ اوپار گل ءِ کارانی وڑ ءُ پیم ءِ رِد ءَ میاربارانی بگیری ءَ گواہ یکجاہ کُرتگ ءُ آیانی ھمراہ نشان کُرتگ اَنت۔
میاربار مصدق ء خورشید نگوری ءَ گل ءِ پٹ ءُ پولی پتر ءِ دیم ءَ وت منّ اِتگ۔ آئی وتی میارباریانی منّگ ءِ ھواری ءَ وتی پِت خورشید نگوری ءِ راج دُژمنی کار پدر کُرتگ اَنت۔میاربار مصدق گل ءِ دزگیری ءِ میان ءَ نادراہ بیتگ کہ اود ءَ ھر وڑ ءَ درمان کنگ ءِ جُھد کُرتگ بلے جان دُراہ نہ بیتگ ءُ نادراھی ءِ سْوب ءَ مُرتگ۔ دور ءُ دریں دمگے ءِ سْوب ءَ گل ءَ آئی ءِ جون پہ کھول ءَ سر کُرت نہ کُرتگ،پمشکا مزھبی دودانی رِد ءَ کل ءُ کسارت کنگ بیتگ۔
بلوچستان لبریشن فرنٹ خورشید نگوری ءَ گوں تْرندی ءَ کڈن کنت کہ آ گوں وتی ھمراھاں زوت چہ راج دُژمنی کاراں وت ءَ گستاہ بہ کنت اگاں نہ آیانی بگیری ءَ گوں تُرندی ءَ کار کنگ بیت۔خورشید نگوری یک ندکارے کہ وتی لبزانکی بستار ءُ ھندی شرپ ءَ زورگریں پوج ءِ کمک کنگ ءَ کارمرد کنگ ءَ اِنت۔ آئی ءِ زھگ مصدق نگوری ءَ وت منّ اِتگ ءُ آئی ءِ ردیں کِرد ءِ چھرگ پدر کُرتگ۔مصدق ءُ جمیل ءِ تامُربند زوت شنگ کنگ بیت داں کہ راج گْواچن ءَ سرپد بہ بیت۔
دمگ ءَ پُرکاریں پاکستانی چیریں ادارہ ءِ کارمند ءُ کمکار دُرس بی ایل ایف ءِ نشانگ ءَ اَنت ءُ زوت نشانگ کنگ بنت۔ گازی کہ میرانی ڈیم ءَ اِنت، میجر عمر کہ چہ گوادر ءَ وتی نیٹورکاں ھلائینگ ءَ اِنت۔وکار ، آسپ ءُ واجد نامیں ایم آئی ءِ کارمند بل نگور ءَ کار ءَ اَنت،آئی ءِ کمکارانی سرپدی گل ءِ گْور ءَ ھست اَنت ءُ آیانی بگیری ءَ زوت کار کنگ ءِ شور کنگ بیت۔
میجر عمر یک بلیک میلرے کہ پُرکاریں سیاسی باسکاں، ٹیل ءِ باپاری ءُ جُھدکارانی سیاد ءُ مردماں پہ لب ءُ ملام آجوئی زْرمبشت ءِ بگیری ءَ کارمرد کنگ ءِ جُھد ءَ کنت۔راج چہ اے وڑیں مردماں وت ءَ گستا بہ دار ایت کہ بی ایل ایف ءِ کِر ءَ باپار ءِ نام ءَ تیاب دپی دمگاں ردیں چِست ءُ ایرانی بھرے مردمانی نام ءُ نشان ھست اَنت،گل وتی زور ءَ وتی مردمانی بگیری ءَ کارمرد کنگ نہ لوٹ ایت بلے ھرکس کہ چہ راہ ءَ رَد بہ بیت گڑا ھچ پیم ءَ پھل کنگ نہ بنت اِنت-