سلامتی کونسل ءَ اوگان ءَ زالبولانی ھکانی برابری ءِ لوٹ کتگ

میان اُستمان ءِ درستاں زورامندیں باسک سلامتی کونسل ءَ لوٹ کتگ کہ اوگانستان ءَ تالبان ءِ نیمگ ءَ زالبول ءُ جنکانی سر ءَ زوراکی ھلاس کنگ بہ بیت اِنت-

ھال سر کنوکیں ادارہ ایسوسی ایٹڈ پریس ءِ رد ءَ میان اُستمان ءِ زالبولانی ھکانی ادارہ یو این ویمن ءِ ڈائریکٹر سیما بحوث ءَ سلامتی کونسل ءَ گوں گوشتگ کہ تالبان پنجاہ ءَ گیش رھبنداں لگتمال کنگ ءَ اِنت ءُ دابیں کاراں کھولانی مردین ھم ھوار اَنت-

آئی ءَ گوشتگ کہ اے جارانکی ءِ سبب ءَ زالبول زھنی جیڑہ ءُ وتکشی ءِ کسہ گیش بوان اَنت کہ ایشانی توک ءَ گیشتر ورنائیں جنک ءُ آیانی لوگانی پیسلہ سازی ءِ گامگیج ءَ کم ھوار بوگ ءَ اَنت-

زالبول مارا گوش اَنت آ بندیگانی رنگ ءَ تھاری ءِ توک ءَ نشتگ اَنت وتی لوگاں ڈن دراتک نہ کن اَنت نا امیت ءُ ناکہ آیوکیں باندات-

میان اُستمانی رھبندانی رد ءَ ایپرتھائیڈ چوشکہ نسل پرستی ءِ رھبنداں رنگانی جتائی ءِ نزام ءَ پریچگ ءَ اِنت کہ ایشی ءِ بنکی بندات زرباری افریقہ ءَ بیتگ –

بلے میان اُستمانی پھناتاں بندوکیں زانتکاریں مردمانی گوشگ اِنت واکدار ءُ چاگردی باسکانی میان ءَ گیش کپتگیں ھمتپاکی ءِ گیش بوگ ءَ ایپرتھائیڈ ءِ تک اوگانستان ءِ وڑیں جاوت بیت کن اَنت کہ اود ءَ زالبول ءُ جنکاں ناوشیں رویشانی دیمپانی اِنت –

سیما بحوث ءَ پانزدہ باسکی پتر ءَ سلامتی کونسل ءَ پنچ دیم ءِ آیوکیں باسک امریکہ، روس،چین،برتانیہ ءُ فرانس ءَ کڈنی کتگ کہ آ ”جینڈر ایپر تھائیڈ“ چوشکہ جنس ءِ دروشم ءَ بیوکیں شریں رویش ءَ میان اُستمان ءِ رھبند ءِ بھر کنگ ءَ سرجم ءَ کمک بہ کنت-

آئی ءَ گوشتگ کہ انی اے وڑیں ھچ میان اُستمانی کانون نیست اِنت بازیں کچے ءَ ریاستی سروکی ءَ چوشین زوراکیانی پسو ءَ بہ دنت-

تالبان ءِ نیمگ ءَ زالبولانی ھکاں شوربندی ءَ اُرش کنگ مئے میان اُستمانی رھبندانی نامے دیگ لوٹ ایت ءُ آئی ءِ کسھاں بیار ایت ءُ دانکہ آئی ءَ شریں رنگے ءَ پسو دات بہ کن ایں-