چین ءِ ٹیکنالوجی ءِ بنجل سر پد بیوکیں شھر شینزان زری توپان ءِ ترس ءِ ھاتر ءَ کارگس ءُ باپاری بنجل بند کنگ بیتگ اَنت-
ھال سر کنوکیں ادارہ اے ایف پی ءِ رد ءَ آدینگ ءِ روچ ءَ واکداراں زری توپان ساؤلا ءِ آیگ ءَ پیسر شھر ءِ بند کنگ ءِ کڈنی کتگ-
اے شھر ءِ یک کروڑ ھپتاد ءُ ھپت لک آبادی اِنت کہ اود ءَ واکداں پرکاری ءِ جار جتگ بیتگ کہ ترس ءِ سبب ءَ پنچ مشکل بیت کن اَنت ایشانی تہ ءَ کار ءُ باپاری تکاں موکل بیگاہ ءِ چار ءَ بیت اِنت-
ایمرجنسی رسپانس ڈیپارٹمنٹ ءِ رد ءَ بیگاہ ءِ ھپت ءَ ٹرانسپورٹ بند کنگ بنت اِنت- واکداراں گمان پدر کتگ کہ زدی توپان ءِ ھواری ءَ شھر ءَ ترندیں گوات ءُ ھورانی گمان اِنت-
ھانگ کانگ ءُ زرباری چین ءِ شھر شینزان ءِ نیمگ ءَ گیش بوھوکیں زری توپان ءِ سبب ءَ آدینگ ءِ روچ ءَ کروڑانی مردم سانمند بیتگ اَنت – سدانی کچ ءَ بالیگ دارگ بیتگ اَنت باپاری بنجل ءُ اسکول بند کنگ بیتگ اَنت-
دو سد ءُ دہ کلو میٹر ءَ یک گھنٹھے ءَ کشوکیں گوات ھانگ کانگ ءِ نیمگ ءَ روگ ءِ ھواری ءَ ساؤلا فوانگ ڈونگ ءَ ٹکر جنوکیں تاکتوریں توپاناں چہ یکے بیت اِنت – اگاں اے اُستان ءَ لینڈ فال کنت اِنت-
دمگی وھد ءُ پاسانی رد ءَ سھب ءِ ساھت یازدہ ءَ ءُ میان اُستمانی وھد ءُ پاسانی رد ءَ شپ ءِ ساھت سَے ءَ بیت اِنت اے ھانگ کانگ ءَ یک سد ءُ ھشتاد کلو میٹر زرباری رودراتک ءَ بیت اِنت کہ اود ءَ اسٹاک مارکیٹ ءِ ٹریڈنگ بند کنگ بیتگ اَنت-
واکداراں توپان ءَ پیسر ترجدی ءِ ٹائیفون ءِ وارنگ شنگ کتگ کہ چریشی ءَ چین ءِ سرکاری میڈیا ءَ آدینگ ءِ روچ ءِ نیمروچ ءَ یا بیگاہ ءَھولائی ءَ چہ ھانگ کانگ ءَ داں پراھگیں زر ءِ ھنداں لینڈ فال کنت اِنت-