روکپتی بلوچستان ءِ ھند جاشک ءَ ایرانی لشکر ءَ یک مردمے آوار جنگ ءَ پد ناشناسیں زنداناں برتگ-
گیشیں اھوالانی رد ءَ گوستگیں روچ ءَ ایرانی لشکر ءَ یک مردمے آوار جنگ ءَ پد بیگواہ کتگ بیتگ-
آوار جنگ بیتگیں مردم ءِ پجار طاھر رئیسی جھمنند گروک جاشک ءِ نام ءَ زانگ بیتگ-
اھوالانی رد ءَ طاھر یک چاگردی باسکے ءُ آئی ءَ چاگرد ءِ سر ءَ بیوکیں ناگیگیانی درگت ءَ جد ءُ جھد کتگ بیتگ-
زانگ روکپتی بلوچستان ءَ گوستگیں روچ ءَ ھم راسک ءِ عالم دین مولانا فتح مھمد نقشبندی ماں چھبار ءِ روگ ءِ وھد ءَ ایرانی لشکر ءَ ماں چک ءِ ھمراھی ءَ دزگیر کتگ ءُ برتگ کہ داں انگت ءَ آ بندیگ اِنت-
دومی نیمگ ءَ مروچی ماں راسک ءُ سرباز ءَ مولانا فتح مھمد ءِ دزگیری ءِ ھلاپ ءُ آئی ءِ یل کنگ ءِ واستا زھرشانی کنگ ءِ جار پرہنگ بیتگ اَنت-