اپس ءِ مرگ ءِ سر ءَ گریوگ ءِ پژدر ءَ عراق ءِ جنکے ءَ دبئی ءِ ھاکم ءَ ٹیکی یے داتگ

متھدہ ارب امارات ءِ کسان سروک، سروزیر ءُ دبئی ءِ ھاکم شیخ مھمد بند راشد المکتوم ءَ دوشمبے ءِ روچ ءَ عراق ءِ اپس سواریں جنک ءَ را اپس ٹیکی داتگ –

عرب نیوز ءِ رد ءَ عراق ءِ ھشت سالیگین جنک لانیا فاخر ءَ وتی اپس ءِ ناگتی مرگ ءَ آئی ءَ لاپ لیٹ جتگ ءُ گریتگ ءُ اے تامبر شمبے ءِ روچ ءَ چاگردی ترام جاھاں شنگ بیتگ –

دبئی ءِ ھاکم شیخ مھمد بند راشد المکتوم ءَ چاگردی ترامجاھاں اے تامر دیستگ ءُ اے جنکوی ءِ گون ءَ پدردی درشان کتگ-

عراق ءِ جنکو لانیا ءَ آئی ءِ پت ءَ ھما وھد ءَ شوکیں اپسے ٹیکی داتگ بیتگ آ پنچ سال ءِ اُمر ءَ بیتگ لانیا وتی اپس جسنو ءَ بے کساس مھر کتگ-

لانیا ءَ وتی گریوگ ءِ تامر ءَ گوشتگ کہ منی اپس نادراہ بیتگ ءُ آئی ءِ جاندراھی ءِ سرجمیں جھد کتگ انت بلے آئی ءَ انگت ءَ ساہ داتگ اَنت-

تامر بند ءَ لانیا گریوگ ءُ جسنو ءَ وتی درستاں نزیک تریں سنگت گوشگ اِنت ءُ من ترا ھچ بر بے ھیال نہ کن آں-

متھدہ عرب امارات ءِ سرکاری نیوز ایجنسی ءِ رپورٹ ءَ تچک کنگ بیتگ دبئی ءِ ھاکم شیخ مھمد بن راشد المکتوم ءَ اپس سوار ھیلکاری بنجل ءَ عراق ءِ جنہ لانیا فاخر ءَ ھیلکاری دیگ ءُ آئی ءِ کرد ءَ دیم ءَ برگ ءُ دومی زھگاں ھم اپس سوار کت کنت-