مسر ءِ بنجاھی شھر واھرہ ءَ دوشمبے ءِ روچ ےَ پنچ تبک ءِ ماڑی کپتگ ءُ چریشی ءَ کم چہ کم نُھ مردم بیران بیتگ اَنت ءُ کمکی کار کنوک زندگیں مردمانی شوھاز ءَ اَنت-
عرب نیوز ءِ رد ءَ قاھرہ ءَ سکیورٹی ڈائریکٹوریٹ ءِ درور دیان ءَ اے وئیل قاھرہ گوریچانی ھند ھدائک الکبہ ءَ پیش اتکگ-
رھگیرانی واؤزاراں ماڑی ءِ جھمنند بیدار بیتگ اَنت سول پروٹیکشن ءُ پولیس آفیسران ایمبولینس ءُ مشینری ءِ ھواری ءَ دیم دیگ بیتگ اَنت – قاھرہ گورنریٹ ءِ نمائندگاں کپتگیں ماڑی ءِ بنداتی چار ءُ ٹپاس ءَ پد گوشتگ کہ ماڑی ءِ برزی تبک ےَ پیسر ءَ گیر اجازتیں گیشی بیتگ اَنت چریشی ءَ اے وئیل پیش اتکگ بیتگ-
گمانی رنگ ءَ اے ماڑی بوج ءِ چست کنوکیں تھی دیوال ڈروھیتگ ءُ چریشی ءَ ماڑی سرجمی ءَ کپتگ-
قاھرہ ءِ گورنر خالد عبدالعال ءَ گوشتگ کہ وئیل ءِ پٹ ءُ پول ءِ انجینیئرنگ کمیٹی ءِ ایر کرتگ – اے ماڑی ھالیگ کتگ ءُ سرچ اینڈ ریسکیو آپریشن ءِ سرجمی ءَ داں گیس ءُ بجلی ءِ سپلائی پھریزی ءَ بند کتگ اَنت-
مسر ءِ وزیر برائے چاگردی یکجھتی نیفین الکباہ ءِ ءَ گورنر ءِ کمک ءَ ماڑی ءَ چیر تراتگیں مردماناں شست ھزار مسری پونڈ دیگ ءِ ھواری ءَ زدگ بیتگیناں جاندراھی ءِ پرمان کتگ-