روکپتی بلوچستان ءِ بنجاھی شھر زاھدان ءَ ناشناسیں مردماں تیرگواری کنان ءَ یک مردمے کُشتگ-
اھوالانی رد ءَ زاھدان ءَ ناشناسیں سلاہ بندیں مردماں تیرگواری کرتگ ءُ یک ورنایے کُشتگ-
بیران بیتگیں مردم ءِ پجار بیست ءُ سالی ئیں جاوید ریکی ء ناسر جھمنند میرجاوہ ءِ نام ءَ زانگ بیتگ –
اھوالانی رد ءَ ناشناسیں مردماں جاوید ءِ سر ءَ تیرگواری کرتگ ءُ زدگ کتگ ءُ آ زدگیں جاوراں نادراہ جاہ ءَ برگ بیتگ کہ اود ءَ آئی ءَ وتی ساہ داتگ اَنت-
اھوالانی رد ءَ وئیل کورین سرجنگل دگ ءَ جون آباد ءَ پیش اتکگ، کوش ءِ سبب زانگ نہ بیتگ-