ھندوستان ءَ ھورانی گوارگ ءَ دو ھپتگاں کساس 100مردم بیران بیتگ اَنت

ھندوستان ءِ واکداراں گوشتگ کہ دو ھپتگابی توک ءَ بشی ھوراں تباھی کتگ چریشی ءِ سبب ءَ دو ھپتگانی توک ءَ گوریچانی ھنداِ سد مردم بیران بیتگ اَنت-

امریکہ ءِ ھال سرکنوکیں ادارہ ایسوسی ایٹڈ پریس ءِ رد ءَ بس ایوک ءَ اترپردیش ےَ کم چہ کم ھشتاد ےُ ھشت مردم مرتگ اَنت ءُ سد ءَ چہ گیش زدگ بیتگ-

ھماشل پردیش ءِ سرکار ءَ وتی یک درشانے ءَ گوشتگ کہ جتا جتائیں ھنداں ترندیں ھورانی گوارگ ءَ پد ءَ توپان ءِ بوگ ءَ بازیں گاڑی، بس، پھل ءُ لوگ ڈرورینتگ اَنت-

سرکار ءِ یک جارکشے شیشیر سنگھ ءِ رد ءَ چارشمبے ءِ روچ ءَ اترپردیش ءَ بشی ھورانی وھد ءَ جتا جتائیں ھنداں دوزادہ مردم بیران بیتگ اَنت-

نُھ مردم بڈ اتگ ءُ دو گروک ءَ گپتگ ءُ کُشتگ اَنت ءُ یکے ءِ مردم توپان ءِ آپ ءَ ھواریں مارے ءِ ورگ ءِ سبب ءَ پیش اتکگ-

یک مردمے نوکیں دھلی ءُ چار انڈیا ءِ کشمیر ءَ بیران بیتگ اَنت- ترندیں ھور ءُ توپانی آپانی سبب ءَ یک سد ءُ ھپتاد لوگ کپتگ اَنت ءُ شش سد ءَ تاوان رس اتگ-

واکدارانی رد ءَ سِی ھزار ءِ کچ ءَ مردم کمکی بنجلاں برگ بیتگ اَنت ءُ نوکیں دھلی ءَ بازیں پھلانی چیر ءَ لس مردماں گوں پس ءُ دلوتاں نندانکی جاہ جوڑ کتگ اَنت-

بنجاھی شھر نوکیں دھلی ءَ دریائے جمنا ءِ آپ ءِ کساس چار شمبے ءِ روچ ءَ چل سال ءِ ریکارڈ ءِ کد ءَ سر بیتگ –

یک فیکٹری ءِ واھند راجیش سنگھ ءِ گوشگ اِنت دریا ءِ نزیک ءَ توپان ءِ سبب ءَ بازیں اداراں گوں وتی پرپٹ ءَ گٹ بیتگ-

من گوستگیں بیست ءُ دو سالانی توک ءَ اے دابیں ھور نہ دیستگ-

نوکین دھلی ءِ سر وزیر اروند کیجروال ءَ گوشتگ کہ گوستگیں روچانی توک ءَ بنجاھی شھر ءَ ھور نہ بیتگ بلے ریاست ھریانہ ءَ ھتھنیی کنڈ بیراج ءَ آپانی گیش بوگ ءَ دریائے جمنا ءِ آپ ءِ کساس گیش بوگ اَنت-

دومی نیمگ ءَ مھکمہ ءِ رد ءَ آیوکیں روچاں دگہ ھورانی بوگ ءِ گمان اِنت-

انڈیا ءِ جتا جتائیں ھنداں بشی ھورانی گوارگ ءَ بازیں کچے ءَ توپانی دیمپانی اِنت ئِے-