ریاستی ناشرکاریاں چہ ھچ کس پھریز نہ انت – ماما قدیر بلوچ

بیگواھیں مردمانی پانکجنیں گل وائس فار بلوچ مسنگ پرسنز ءِ زھرشانی بنجل ءَ مروچی پنچ ھزار ءُ نود ءُ پنچ روچ سرجم بوتگ انت، مروچی بی ایس او پجار ءِ جنرل سیکریٹری ابرار بلوچ ءَ وتی سنگتانی ھمراھی ءَ بنجل ءَ اتکگ ءُ بیگواھیں مردمانی کھول ءِ گوم ءَ دلپدردی درشان اِتگ –

وی بی ایم پی ءِ رھشون ماما قدیر بلوچ ءَ گوشتگ ھما تیزی ءِ گوم ءَ کہ جھد دیم پہ منزل ءَ جنزان انت ھما تیزی ءِ گوم ءَ رد انکلابی تاکت، کشندہ ٹولی، منشیات پروش، چیریں ادارہ ءُ پوج یکجاہ بوگ ءُ بلوچ سیاسی جھد کارانی تہ ءَ ترس ءِ ودی کنگ لوٹ انت –

ماما ءَ گوشتگ کہ مروچی بلوچستان ءِ تہ ءَ پاکستان ءِ چیریں ادارہ، ایف سی ءُ سی ٹی ڈی ءِ ناشرکاریاں چہ ھچ کس پھریز نہ انت ، ھر تک ءُ پھناتاں سیادی داروکیں مردم سانمند انت ءُ بوگ ءَ انت –

آئی ءَ گوشتگ کہ وی بی ایم پی مھکمیں ساچشتی پرایمنیں جھدے کنگ ءَ انت میان استمانی کانودانی رِد ءَ زورگیری ءَ دیمپانی ءَ کنگ ءَ انت – مھزبیں جھان ءِ ھر یک مردم ءُ گلانی زمہ واری بیت کہ انسانی ھکانی بگیری داروکیں سِلاں چہ انسانی چاگرد ءَ ھلاس بہ کن انت –