امارات ءِ جھمنند دگہ ڈیھانی کانونانی شرپ ءَ بہ کن اَنت – امارات ءِ سرکار

متھدہ عرب امارات ے ڈیجیٹل گورنمنٹ ءَ شھریاناں گوشتگ کہ آ ڈنی ڈیھاں تر ءُ تاب ءِ وھد ءَ اود ءِ کانونانی پازداری ءُ شرپداری ءَ بہ کن اَنت-

ھمک ڈیھانی وتی وتی کانون ھست اَنت اماراتی شھری اود ءَ ھمود ءِ کانون ءُ دود ءُ دودمانانی پازداری ءَ بہ کن اَنت ءُ لگتمالی ءَ پھریز بہ کن اَنت-

الامارات الیوم ءِ رد ءَ ڈیجیٹل گورنمنٹ ءَ وتی درشان ءَ گوشتگ کہ امارات ءَ گوشتگ اژدری گپانی ھیالداری ءَ بہ کن اَنت اے درگت ءَ پاسپورٹ ءِ وھدانی چارگ ءُ ھما ڈیھ ءِ ویزہ ءَ سرجم بہ کن اَنت-

امارات ءِ دفتر ھارجہ ءَ وتی ویب سائٹ ءَ شنگ کتگیں درشانے ءَ گوشتگ کہ ڈنی سپر ءَ پیسر آئی ءَ چہ سرپدی بہ زور اَنت-

ڈیجیٹل گورنمنٹ ءَ گوشتگ کہ امارات لوٹ ایت کہ آئی ءِ شھری سپر ءِ وھد ءَ مشکلانی دیمپان مہ بیت اِنت ءُ ھت ھما ڈیھ ءَ کہ نندگ ءَ روگ ءَ اود ءَ آئی ءَ مشکل ءُ جیڑہ درپیش مہ بنت اِنت-

گورنمنٹ ءَ امارات ءِ شھریاناں گوشتگ کہ باز یورپی ڈیھ ءُ شھریاں نکاب ءِ سر ءَ بندش اِنت ایشی ءِ درچ ءَ مھلوک ءُ سرکاری ادادھاں نکاب کنگ بندش اِنت کانون ءِ دست ءَ بیگ ءُ جرم ءَ بہ بچ اَنت-

ڈیجیٹل گورنمنٹ ءَ گوشتگ فرانس، بیلجیئم ءُ ھالینڈ ءِ وڑیں ڈیھاں اود ءَ نکاب کنگ ءِ سر ءَ بندش اِنت ءُ بازیں ھنچیں ڈیھ ھست اَنت کہ وتی شھریاناں نکاب کنگ ءَ بندش اش جتگ اش- بازین ڈیھاں ویزا کاروائی ایجنسیانی درگت ءَ بیتگ اَمت ءُ وی ایف ایس گلوبل ھم ایشی ءِ مسال اِنت-