اسرائیل ءِ لشکر ءَ شام ءِ ایئرڈیفنس بیٹری ءِ نشانگ کنگ ءِ ٹاہ داتگ

اسرائیل ءِ لشکر ءِ جارکش ءَ شام ءِ ایئرڈیفنس بیٹری ءِ نشانگ کنگ ءِ ٹاہ داتگ کہ چریشی ءَ اسرائیل ءِ نیمگ ءَ بالیگ شکن میزائل آس داتگ –

ھال سر کنوکیں روئٹرز ءِ رد ءَ اسرائیل ءِ جنگی بالیگاں دمگ ءِ دگہ ھند ءُ جاہ ھم نشانگ کتگ اَنت بلے شام ءِ نیمگ ءَ بیوکیں میزائل اُرشاں ھچ وڑیں جانی تاوانانی اھوال نہ بیتگ اَنت-

چریشی ءَ پیسر ھال سرکنوکیں نیوز ایجنسی ثنا ءَ گوشتگ کہ ڈیھ ءَ برزی پھزداراں شام ءِ میانی ھنداں اسرائیل ءِ اُرش داشتگ ءُ گیشتریں میزائل بے سوب کتگ ءُ دور داتگ اَنت-

ھال سر کنوکیں ایجنسی ءِ گوشگ ات کہ لبنان ءِ بنجاھی شھر بیروت ءِ لھتے جاھاں برز ءَ بالیں میزائل شام ءِ شھر حمص ءِ کش ءُ گوراں کپتگ اَنت چریشی ءَ ازباباں تاوانانی بیتگ اَنت-

لھتے ماھانی توک ءَ اسرائیل ءِ نیمگ ءَ شام ءِ بالی پٹ ءُ پوجی بنجلانی سر ءَ اُرشانی توک ءَ گیشی گندگ ءَ اتکگ بیتگ اَنت دانکہ ایران ءِ نیمگ ءَ برزی کمکاری دارگ بہ بیت اِنت آئی ءِ سر ءَ بھتام اِنت آ شام ءُ لبنان ءَ ھمسنتیاں کہ ایشانی توک ءَ لبنان ءِ ھزب اللہ ءَ سلاہ سر کنت اِنت-

اسرائیل ءِ لشکر ءِ زانتکارانی گوشگ اِنت اسرائیل ءِ اُرشانی مول ءُ مراد شام ءَ ایران ءِ دست دراجی ءِ دارگ اِنت اے ناوشی بازیں سالاں چہ برجاہ اِنت –

تھران ءَ رسگ شام ءَ اے وھد ءَ گیشتر واھگداری اِنت ھما وھد ءَ سال دوھزار ءُ یازدہ ءَ بیوکیں وت ماں وتی جنگ ءَ سروک بشار الاسد ءِ پلامرزی بندات کتگ بیتگ –

ھزب اللہ ءَ ھوار ایران ءِ ھمسنتیں جنگول رودراتک،زربار ءُ گوریچانی شام ءِ بازیں جاہ ءُ بنجاھی شھر ءِ کش ءُ گوری ھنداں وتی بنجل اش مھکم کتگ اَنت-