تربت ءَ ایف سی ءِ پانگس ءِ سر ءَ دزبمب اُرش

سربوتگیں ھالانی رِد ءَ کیچ ءِ بنجاھی شھر تربت ءِ دمگ جوسک ءَ ناشناسیں مردماں پاکستانی پوج ءِ پانگسے ءِ سر ءَ دزبمب اُرش ءِ کتگ –

پولیس ءِ رِد ءَ جوسک ءَ ناشناسیں مردماں ایف سی ءِ 168 ونگ ءِ پانگس ءَ دزبمب ءِ چگل داتگ کہ ترندیں تراکے ءَ گوں تِرک اِتگ، تراک ءَ پد پوج ءِ نیمگ ءَ سک باز تیرگواری کنگ بوتگ وھدیکہ دمگ ءِ تہ ءَ ترسے ود اِتگ –

زانگ بہ بیت تربت ءَ پیش ءَ بوتگیں دزبمبانی اُرشانی زمہ واری گیشتر بلوچ سلاہ بندیں گلاں منّ اِتگ انت بلے اے اُرش ءِ زمّہ واری ھچ گل ءَ نہ منّ اِتگ ءُ ناکہ سرکاری واکدارانی نیمگ ءَ اے درگت ءَ چیزے گوشگ بوتگ –