شال ءَ پولیس تانہ ءِ سر ءَ بوتگیں اُرش ءِ زمّہ واری یو بی اے ءَ منّ اِتگ

سربوتگیں ھالانی رِد ءَ مروچی شمبے ءِ روچ ءَ نیمروچ ءِ وھد ءَ ناشناسیں مردماں شال ءَ پولیس تانہ ءِ سر ءَ دز بمب اُرش ءِ کُتگ –

اُرش شال ءَ سول لائن تانہ ءِ سر ءَ کنگ بوتگ- اُرش ءِ زمّہ واری بلوچ آجوئی لوٹوکیں سلاہ بندیں گل یونائیٹڈ بلوچ آرمی ءَ منّ اِتگ ءُ گوشتگ اُرش ءَ یک کارمندے مُرتگ ءُ دو زدگ بوتگ انت –

یو بی اے ءِ جارکش مزار بلوچ ءِ رِد ءَ شمبے ءِ روچ ءِ دوازدہ ءُ چِل ءَ مئے سرمچاراں شال ءِ تہ ءَ سول لائن تانہ ءِ سر ءَ دزبمب اُرش ءِ کُتگ اُرش ءَ یک کارمندے زدگ بوتگ ءُ دو سک باز زدگ بوتگ انت –

جارکش ءَ گوشتگ کہ ما اے گپ ءَ تچک کنگ لوٹ ایں کہ بیست ءُ ھپت جون ءَ شال ءِ شھر ءَ پولیس کارمندانی نشانگ کنگ ءِ مئے کارے یک وتگڑیں مزھبی ٹولی ءَ دروگیں ھالے ءِ رد ءَ زْرتگ ، ما ایشی ءَ ایرجن ایں ءُ ھمے مزھبی ٹولی ءَ کڈن کنیں کہ وتی اے وڈیں کارپداں یل بہ کنت –

جارکش ءَ گڈسر ءَ گوشتگ کہ مئے اُرش داں بلوچستان ءِ آجوئی ءَ برجاہ مان انت –