مستونگ ءَ ایف سی کارمندانی سِنگ جنگ ءَ زالبولے زدگ، مھلوک ءِ زھرشانی

چہ مستونگ ءَ سربوتگیں ھالانی رِد ءَ گوستگیں شپ ءَ لکپاس ءَ پاکستان ءِ پھازگی کارمنداں یک پک اپ گاڑی ءِ سر ءَ سنگ جتگ –

سِنگ ءِ لگگ ءَ زالبولے زدگ بوتگ کہ اشی ءِ بگیری ءَ مھلوک ءَ زھرشانی کنان ءَ کراچی تاں شال ءَ رؤکیں شھدگ لکپاس ھند ءَ سرجمی ءَ بند کتگ –

زھرشانی سوب ءَ ھردو نیمگاں گاڑیانی لین لگ اِتگ، دگ بازیں اداراں بند بوتگ –

درنگاز کنوکانی گوشگ ات کہ لکپاس ءِ چیک پوسٹ ءَ پوج ءِ کارمندانی رویش سک باز ھراب ءُ زوراکی کنگ ءَ انت آ دمگی مردمانی گوم ءَ زوراکی کنگ ءَ انت –

آھانی گوشگ ات کہ سروزیر ءَ بلوچستان ءِ درسیں چیک پوسٹانی ھلاس کنگے جار جتگ بلے ھما ھما ریاستی چیک پوسٹ جوڈ کنگ بوتگ انت کہ مردمانی ازت ءُ آبرو ءِ ھچ ھیال ءَ نہ دار انت آھاں کئے ھلاس کنت –

دمگی مردمانی گوشگ ات کہ ادا اسمگلرانی گاڑی گوں سلاہ ءُ منشیات ءَ گوز انت کس ھچے نہ کنت ءُ دمگی مردم چیک ءُ تان ءِ نام ءَ بازیں اداراں تاں وار کنگ بنت –