سیندک پروجیکٹ ءِ تہ ءَ تراک، پوجی کارمندان ھوار پاسپان ءِ زدگ

سیندک پرجیکٹ ءِ واہ نوبل کمپنی ءِ بارود اسٹور ءَ تراک ءِ بوتگ چریشی ءَ سَے ایف سی کارمنداں ھوار یک پاسپان ءِ زدگ بوتگ انت –

سیندک پروجیکٹ ءِ منیجمنٹ ءَ اھوالکاراں گوں تران کنان ءَ گوشتگ کہ سیندک پروجیکٹ ءُ ٹاؤن شپ ایریا ءَ پنچ کلومیٹر دور کوھی دمگ ءَ واہ نوبل کمپنی ءِ یک بارود اسٹورے ءَ اناگتی تراک ءِ بوتگ چریشی ءَ چار کارمند زدگ بوتگ انت کہ پہ دارودرمان ءَ سیندج پروجیکٹ نادراھجاہ ءَ برگ بوتگ انت –

درشان ءِ تہ ءَ گوشگ بوتگ کہ اسٹور ءِ تہ ءَ تراک لین ءِ شاٹی ءِ سوب بوت کنت یا بازیں گرمی یے اشی ءِ پٹ پول ءَ پولیس ءُ سیندک ہروجیکٹ کنگ ءَ انت –

چاگردی ترامجاھاں بازیں اکسے شنگ بوتگ کہ آھانی تہ ءَ آس ءِ برانز چست انت ھمودے مردمانی رِد ءَ مزنیں تراکے ءِ توار اشکنگ بوتگ –