جندندری شارُل ءَ داں پدائی سُمیا کلندرانی بلوچ ءَ
نبشتہ کار: زیردان بلوچ
دی بلوچستان پوسٹ
مروچی بلوچ راج ءُ ماتیں گُلزمین وتی سر ءَ پھر بندگ ءَ اِنت کہ منی بچّ ءُ جنک وتی جاناں دُژمن کُشیں شورواں بند اَنت ءُ دُژمن ءَ اے پیگام ءُ کُلوہ ءَ دے اَنت، ترا وش واب ءُ اِیمن ءَ نَیل اِیں دانکہ تئی پلیتیں یک پدےِ مئے مھلبیں ھاک ءِ سر ءَ اِنت ترا بلوچ ءِ نرمزاریں بچّ ءُ جِنکانی دیمپان بُوَگی اِنت۔
ھما راجاں کہ وتی باندات ءِ رکّینگ ءَ مرگ اَمباز اِتگ، آ راج مروچی وشھال ءُ اِیمنیں زند ءِ گْوازینگ ءَ اَنت۔ بیست ءُ یکمی سدی ءَ اگاں ما چماں شانک دے اِیں ءُ چاریں بلوچ راج وتی زُورانسری ایردستی ءِ بگیری ءَ جُھد کنان ءَ پیداک اِنت۔ وھدے مات ءُ پِت وتی لاڑُکیں بچّ ءُ جِنکاں ایردستیں راج ءُ بندیگیں سرڈگار ءِ رکّینگ ءَ کُربان کنگ ءُ پِدا بُوَگ ءِ سِکین دے اَنت ءُ رُکست کن اَنت، گُڑا دُژمن گوں وتی کاسگ چٹّاں شر بِزانت بلوچ ءِ پُروش دَیَگ پہ ترا وابے بوتگ کہ آئی ءَ را بزانت ءُ آسر نیست۔
اے راستی ءَ مروچی دُژمن ءِ داشتگیں کاسگ چٹّ ءُ دلّار شر بِزان اَنت بلوچ راج تا دیراں گُلام ءُ بدّیں سانکلاں بندیگ نہ بیت، اے نامگپتیں واجہ ءُ میر ءُ کرایھ ءِ کُشندہ ءُ سردار سرپد بہ باں اگاں شُما سوگند وارتگ کہ ما پنجابی ءَ رکّین اِیں، بلے ھست چوشیں بچّ ءُ جنک آھاں گوں راج ءُ گُلزمین ءَ وپا ءِ سوگند وارتگ ما سراں کُربان کن اِیں وتی ورنائی ءُ زند ءِ کُلیں واھگ ءُ واھِشتاں ببا دے اِیں بلے دُژمن ءَ تاچینیں ءُ گَلّین اِنت۔
مروچی سالونکیں رِیھان جان وتی پگر ءُ رَپتگیں راہ ءِ سر ءَ پھر بندگ ءَ اِنت کہ من سوبمند بیتگاں، دُژمن ءَ پُروش وارتگ ءُ بلوچ ءِ سر ءَ بُووکیں زُلم ءُ زُوراکیاں پد بے سوب بوتگ۔ مروچی بلوچ جنگ ءَ بچک ءُ جنک ءِ پرک ھلاس کُتگ ءُ مروچی بلوچ ءِ وتواجھی ءِ جنگ گوں تچک ءَ سوبمندی ءِ نیمگ ءَ رَوَگ ءَ اِنت ءَ شاری بلوچ ءِ کُربانی بہ باں مروچیگ پدائیگ سُمیا بلوچ بہ بیت اے لڑ سک دْراج مزن اِنت من ھمے سرپد باں مئے دُژمن آ سیمسراں جیڑ اِت نہ کنت۔
کسانسالیں پِدائیگ باُنک سُمیا کلندارانی ءِ کُربانی بلوچ آجوئی ءِ جنگ ءِ ھما دْرچ اِنت کہ سداں سال بلوچ راج کوزہ گیر ءُ زُورآورانی بگیری ءَ مِڑان ءَ پیداک اِنت۔ ھر دور ءُ باریگ ءَ بلوچ راج ءَ دُژمن ءِ بگیری ءَ سِلاھبندیں جُھد کُتگ ءُ روچ ء مروچی گوں تُرندی ءَ کوزہ گیر ءَ ھوار آئی ءِ ھواریانی بگیری ءَ جُھد گوں مُھکمی ءَ برجم داشتگ۔
مروچی ما ءُ شُما وتی راجی بامرد ءُ شیرزالانی سر ءَ پھر بندیں کہ آھاں وتی مھلبیں ھاک ءِ رکّینگ ءَ وتی زند ءِ درائیں واھشت ءُ وشی ببا داتگ اَنت ءُ دُژمن ءِ اِیرموش کنگ ءُ پروش دَیگ ءَ را وتی راجی پرز سرپد بوتگ اَنت۔ بلوچ ءِ آجوئی ءِ جنگ گوں وتی ترندیں گاماں دیم ءَ جُنزان اِنت، اے مئے اِیمان اِنت بلوچ راج ءِ باندات ءِ مانزمان بلوچ راج وتواجھی ءُ سرڈگار ءِ آجوئی بام دْرپش اِیت شھیدانی واب مانا بَہ اَنت۔
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔