ایرانشھر ءُ ھاش ءَ تیرگواریاں دو مردم بیران

روکپتی بلوچستان ءِ دو جتا جتائیں جاھاں تیرگواری وئیلاں دو کس بیران بیتگ اَنت-

سر بیتگیں اھوالانی رد ءَ روکپتی بلوچستان ءِ دمگ ایرانشھر ءَ ناشناسیں مردماں تیرگواری کنان ءَ دو مردم کُشتگ اَنت-

بیران بیتگیں مردم ءِ پجار کمبر مرادی ء درمھمد جھمنند گزان آشہ دھستان دامن ایرانشھر ءِ نام ءَ زانگ بیتگ –

وئیل گوستگیں روچ ءَ پیش اتکگ کہ اود ءَ ناشناسیں مردماں تیرگواری کنان ءَ کمبر کُشتگ ءُ تتکگ اَنت-

ھمے وڑ ءَ ھاش ءَ ناشناسیں مردماں تیرگواری کنان ءَ یک مردمے کُشتگ –

گیشیں اھوالانی رد ءَ ناشناسیں مردماں تیرگواری کنان ءَ عثمان مراد زئی ء عبداللہ جھمنند اسمائیل اباد ءَ ھاش ءِ نام ءَ زانگ بیتگ –

ھردوکیں وئیلانی سبب ءَ زانگ نہ بیتگ اَنت ءُ کوشکارانی درگت ءَ ھم دگہ گپ دیم ءَ نیتکگ اَنت-