گوریچانی وزیرستان ءَ ناشناسانی تیرگواری ءَ سَے پوجی کارندہ مرتگ انت

پاکستانی پوج ءِ جارکش ءَ وتی شنگ کتگیں درشان ءَ گوشتگ کہ گوریچانی وزیرستان ءِ ھند میران شاہ ءَ ناشریں مردمانی ءُ پوج ءِ میان ءَ جنگ ءُ چوپ بیتگ-

آئی ایس پی آر ءِ رد ءَ جنگ ءُ چوپ ءَ سَے پوجی کارندہ کُشگ بیتگ انت ءُ سَے ناشر کُشگ ءُ چار زدگ بیتگ اَنت-

یکشمبے ءِ روچ ءَ ائی ایس پی آر ءِ نیمگ ءَ شنگ بیتگیں درشان ءَ گوشگ بیتگ کہ تیرگواری ءِ وئیل آدینگ ءُ شمبے ءِ میانی شپ ءَ پیش اتکگ –

آئی ایس پی آر ءِ رد ءَ کُشگ بیتگیں سلاہ بندانی سلاہ دستیگ کتگ اَنت –

آئی ایس پی آر ءِ رد ءَ تیرگواری ءِ آسر ءَ کُشگ بیتگیں پوجیانی توک ءَ صوبیدار اصغر علی، سپاھی نیسم شاہ ءُ سپاھی زمان جان ھوار اَنت-

وئیل ءَ پد دمگ ءَ پوجی آپریشن بندات کنگ بیتگ ءُ ناشرانی پٹ ءُ پول ءَ کنگ ءَ اَنت-