کلات: مزنیں کچے ءَ پوج ہربوئی ءَ سربوتگ

بلوچستان ءِ دمگ کلات ءِ ھند ہربوئی ءُ کش ءُ گورے دمگاں مزنیں کچے ءَ پوج مانریتکگ ءُ تر ءُ گرد کنگ ءَ انت –

دمگی اھوالکارانی رِد ءَ پاکستانی پوج مزنیں کچے ءَ مزنیں سلاھانی ھمرائی ءَ دمگ ءَ اتکگ ءُ سر بوتگ انت –

دمگی مردمانی گوشگ انت کہ ھمے گمان کنگ بیت پوج مزنیں لشکر کشی ءَ دلمانگ انت، بلے تنی وھدی واکدارانی نیمگ ءَ اے درگت ءَ ھچ وڈیں ھبر شنگ کنگ نہ بوتگ –

زانگ بہ بیت گوستگیں روچاں ناشناسیں سلاہ بندیں مردماں کلات ءَ بندساچی کمپنی ءِ مشینری مانداشتگ انت ءُ شش کارمند گوں وت برتگ ات وھدیکہ بلوچستان ءِ دمگ کلات ءَ ھوار ایندگہ ھند ءُ دمگاں ٹیل ءُ گیس شوھاز کنوکیں کمپنی ءُ ایندگہ پروجکٹانی سرا بلوچ آجوئی لوٹوکیں سلاہ بندیں گلاں باز براں اُرش کتگ –

بلوچ آجوئی لوٹوکیں گلانی رِد ءَ اے پروجیکٹ لٹ پُلی پروجیکٹ انت –

بلوچستان ءِ جتا جتائیں ھند ءُ دمگاں پوج ءِ لشکر کشی ءِ درچ برجاہ انت – چریشی ءَ دمگی مردم سک باز دلسیاہ انت –