سر بیتگیں اھوالانی رد ءَ روکپتی بلوچستان ءَ بندوکیں ورنا بندیگ جاہ ءَ لٹ ءُ کُٹانی سبب ءَ آئی ءِ جاور ناگیگی ءِ دیمپان گوشگ بوگ ءَ اَنت-
روکپتی بلوچستان ءَ بندوکیں جتا جتائیں فارسی نیوزانی رد ءَ روکپتی بلوچستان ءِ بنجاھی شھر زاھدان ءَ بندیگیں ورنا شعیب میر بلوچزئی ءِ جاور چہ لٹ ءُ کُٹانی سبب ءَ ناگیگی ءِ دیمپان بیتگ اَنت-
اھوالانی رد ءَ زاھدان ءِ مزنیں جیل ءَ شعیب میر بلوچزئی لٹ ءُ کُٹ کنگ بیتگ ءُ چریشی ءَ چہ آئی ءِ جاور ناگیگ اَنت-
اھوالانی رد ءَ شعیب میر بلوچزئی ء مھمد شریف جھمنند زاھدان گوستگین سال ءِ پنچ اکتوبر ءَ ایرانی لشکر ءَ دزگیر کتگ بیتگ – چریشی ءَ پد آمیدگس ءَ آئی ءِ سر ءَ بھتام جنان ءَ آئی ءَ مرگ ءِ سزا ءِ ھکم داتگ بیتگ-
چریشی ءَ پد شعیب میر بلوچ زئی ءِ پاھو دیگ ءِ سر ءَ آئی ءِ کھول ءُ دگہ سیاسی مردماں یل کنگ ءِ لوٹ کتگ بیتگ ءُ ھمے وڑ جرمنی ءِ پارلیمنٹے یک باسکے ءَ شعیب میر بلوچ زئی ءِ پاھو دیگ ءِ سر ءَ ایراد گپتگ ءُ چہ ایران ءَ آئی ءِ یل کنگ ءِ لوٹ کتگ بیتگ-