شمبے ءِ روچ ءَ بنجاھی شھر شال ءِ ھند کلی کمبرانی ءِ جتا جتائیں وانگجاھاں زھگاں دگ ءِ سر ءَ پر ایمنیں پندی روانک کشان ءَ نشہ ءِ ھلاپ ءَ اوگام جتگ –
وانگ جاہ ءِ جنک ءُ بچکیں نودربراں گوشتگ کہ کلی کمبرانی ءَ ھوار جتا جتائیں جاھاں نشہ ھلاس کنگ بہ بیت اِنت – آیاں مردماں گوں دزبندی کتگ کہ بیا اَنت ھوار بہ یکجاہ بہ بنت وتی آیوکیں باندات ءِ پدریچ ءَ چہ نشہ ءَ بہ رکین اَنت-
آیاں نشہ ءِ ھلاپ ءَ پلے کارڈ چست کتگ ءُ آیانی سر ءَ جتا جتائیں اوگام نبشتگ بیتگ اَنت-
آیاں گوشتگ کہ چہ نشہ ءَ یک مردمے ناں سرجمیں کھول تباہ ءُ برباد اَنت – شھر ءِ دمک ءُ کوچگاں چو پپلی ءَ نشہ بھا بوگ ءَ اِنت ءُ سرکار ءِ دارہ ایشی ءَ تچک ءَ ھوار اَنت-
آیاں گوشتگ اے زھرناکیں چیز ءَ بہ دار ات ءُ وتی آیوکیں نسل ءَ بہ رکین ات-