سر بیتگیں اھوالانی رد ءَ روکپتی بلوچستان ءَ دگ ءِ وئیل ءَ دو مردم ستکگ ءُ بیران بیتگ اَنت-
گیشین اھوالانی رد ءَ تیل کشین گاڑی یے دیم پہ پمپ ءَ تیل ءِ جنگ ءَ روگ ءَ بیتگ کہ دگ ءِ سر ءَ یک گاڑی ءَ ٹکرے وارتگ ءُ وئیل ءِ آماچ بیتگ ءُ ستکگ-
گاڑی ءِ سچگ ءِ سبب ءَ گاڑی ءَ سواریں دو مردم ستکگ ءُ بیران بیتگ اَنت-
بیران بیتگیں مردمانی تہ ءَ یکے ءِ پجار مسلم شھلیبر ءِ نام ءَ زانگ بیتگ ءُ دومی ءِ پجار نہ بیتگ-
وئیل ءَ پد گاڑیاں آس کپتگ گاڑی گوں ھمراہ ءِ مردماں ستکگ ءُ پُر بیتگ اَنت-
روکپتی بلوچستان ءَ اے دابیں دل ٹپ کنوکین وئیل یکشل ءَ برجاہ اَنت کہ گوستگیں روچاں روکپتی بلوچستان ءَ جتا جتائیں ھنداں یکین روچ ءَ بیست مردمانی کساس ءَ زدگ ءُ بیران بیتگ اَنت-
وئیلانی گیشتریں سبب ترند روگ ءِ سبب پیش آیگ ءَ اَنت کہ اود ءَ گاڑیانی ھلائینوک یکدم نادلگوشی رو اَنت-